Waray-Waray News: Ekonomiya, hustisya sosyal ngan pace orden nanguguna sa kan Presidente Arroyo listahan san agenda sa lehislatiba
By Teresita B. Cardenas
Catarman, Northern Samar (8 August) -- An Presidente Gloria Macapagal Arroyo nagsugad nga gintagan bug at sa iya adminstrasyon an mga plano nga nakalista san pag-uru iristuryahan sa lehislatiba, diin ig-aapi an mga pamaagi para ma sustener an pagtubo san ekonomiya, hustisya sosyal ngan pace order durante san miting san Legislative Executrive Development Advisory Council (LEDAC) sa ika 14 nga Kongreso nga ginhimo didto sa Malacanang kahapon nga aga.
An Presidente, san kanya abre nga pamulong nagsugad nga an larang nga P1.227 trilyones san tuig 2008 nga national budget, an Japan-Philippines Economic Partnership Agreement (JPEPA) ngan an pannasod nga straehiya para magmaupay ngan igpreserbar an unob nga karikohan ngan makabulig pagliwat san klima nagpabilin nga ada sa bawbaw san iya mga plano pagpauswag sa ekonomiya.
An Presidente naglalaum nga an ika 14 nga Kongreso nga gin abrehan pala sa nakalabay nga Hulyo 23 mao an magpadig-on san JPEPA, kay an gobyreno sa Japon nagpapatapod kan Presidente Arroyo nga ira tingmanoon an palibot san Pilipinas ngan diri nira tapukan san ira mga basura durante san di pa la maiha nga pag bisita san presidente didto sa Japan.
GInmaduan san presidente an Departamento san Enerhiya ngan Palibot, Kaupod an National Econmic Development Authority nga magtrabaho kaupod an Kongreso ngan magkadudilain nga grupo san sosyudad para maghimo sin mga polisiya nga e desinyo pagpahamubo sa paggamit tubig ngan koryente san kada mag-uuma, paktoreya ngan iba pa nga hihimoon pagpakaupay sa ekonomiya.
An Presidente nag esplikar nga ini nga sugad nga direksyon paghihimoon man ta sa bug os nga kalibutan, kaya an Pilipinas dapat manguna na ngan kinahanglan guid hihimoon para makuha ngan magamitan an dako nga kita kada patak sa tubig ngan idlap sa koryente. (PIA Northern Samar) [top]
