Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 24 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/08/08

Waray-Waray News: Mga magduroto nga mga empleyado nakapahimo han DSWD nga mahimutang ha primero-pwesto para han approval for performance

Manila (8 August) -- Malipayon han 69 porsyento nga approval rating nga naangkon han Department of Social Welfare and Development (DSWD) han July 2007 nga survey han Pulse Asia, gindayaw ni Social Welfare aand Development Secretary Esperanza I. Cabral an mga opisyal ngan mga empleyado han DSWD ngan nagpahayag hin pagtagusya para han ekselente nga mga panalinguha nga ginhimo han iya igkasi-magtratrabaho ha pagpahamtang hin dekalidad nga social services ha mga molupyo, an mga nanginginahanglan, mga magluyahon ngan an mga kablasanon.

An approval para han performance rating nga nakarawat han DSWD amo an gihihitaasi sakob hin 15 nga mga ahensya han gobyerno nga gin-survey hadton Hulyo hini nga tuig. Samtang kasagaran na nga napapahimulsan han mga panguna nga mga departamento han gobyerno en hitaas nga approval ngan hibubo nga disapproval ratings tikang ha publiko, usa naman nga balanse nga pag-uswag han kanan publiko approval para han mga nabuhat han DSWD an naobserbaran han naglabay nga tuig. An DSWD amo liwat an may-ada pinakahibubo nga disapproval rating (7%) ha ngatanan nga mga ahensya han gobyerno.

"An akon mga igkasi-empleyado ha DSWD an angay pasidunggan para han positibo nga ebalwasyon. An ira kamaduroto ngan marig-on nga pag-ayuda ngada han misyon Departamento, nagresulta hini nga paborable nga pag-ebalwar han mga Pilipino, partikular na adton mga sektor nga aton ginseserbihan," malipayon nga iginpayag ni Secretary Cabral.

Naghingaday hi Cabral nga iginbutang syahan han mga social workers ngan iba pa nga mga empleyado han DSWD an ira misyon labaw pa ha ira mga pamilya, iginsakripisyo an ira kalugaringon kapulsanan, ngan iginbutang ha kadelikaduhan an ira mga kinabuhi ilabi na ha mga panahon hin kakuri-an ngan mga kalamidad, agud makabulig ha mga biktima, an mga kablas, an mga magluyahon ngan mga nanginginahanglan.

"Hira ha pagkatinuod an mga birilhon nga mga alahas nga igindadasig han DSWD. Naglalaum ako nga makakaghatag ha ira hin dugang pa nga inspirasyon ini nga maupay nga balita ha pagbuhat han ira mga trabahuon tubtob han ngatanan nga ira mahihimo ngan makag-aghat ha ira nga magpadayon hin panmiling hin mauru-upay pa nga mga paagi ha paghatag hin serbisyo ha publiko," siring ni Secretary Cabral.

"Akon gihapon ginpapasalamatan hi Pangulo Gloria Macapagal-Arroyo para han iya hul-os nga supurta ha DSWD nga nakapahimo ha amon pag-implementar han amon mga programa ngan mga serbisyo. Nakikig-usa kami ha iya dida hiton iya paghingita hin usa nga mamurayaw, progresibo ngan ma-inuswagon nga Pilipinas," dugang pa nga pahayag ni Secretary Cabral.

"Hingyap namon nga makabulig han Pangulo pagtagana hin mauru-upay nga kinabuhi para han ngatanan nga Pilipino. Amo ini an tumong han ngatanan nga tuhay an panhuna-huna nga uripon han publiko. Ha luyo nga bahin, makakab-ot an kalampusan kun igbubutang naton an kaupayan han ngatanan nga syahan labaw han aton personal ngan pankalugaringon nga mga interes," siring ni Secretary Cabral.

Gintu-inan ni Pangulo Arroyo an DSWD pagbulig ha pag-implementar hin poverty alleviation nga mga programa. Nag-iimplementar ini hin nakabase-ha-komunidad nga social services pinaagi ngan ha pakigbulig hin mga local government units ngan non-governmental partners ngan nagmementinar hin 66 nga mga sentro ngan mga institusyon nga nagtatagana hin pagtimangno ngan pag-asister ha mga kabataan, an mga kabatan-unan, mga kababayin-an, mga katigurangan, adton may mga deperensya-pisikal, ngan mga pamilya ngan iba pa nga mga indibidual nga aada ha makuri nga kinmumutangan. Ha pareho man nga panahon, padayon nga ginpapalakat han DSWD an Kapit-Bisig Laban sa Kahirapan-Comprehensive and Integrated Delivery of Social Services (KALAHI-CIDSS), an Self-Employment Assistance-Kaunlaran (SEA-K) nga programa, an Early Childhood Care and Development Program (ECCD) ngan an Supplemental Feeding program para han mga kabataan nga na-edad tulo ngadto hin lima ka tuig, labut hin damo nga iba pa nga mga social welfare ngan development programs. An papel hini ha relief ngan rehabilitation durante hin mga kalamidad amo siguro an pinaka-popular ngan gintatagusya nga buruhaton. (PIA Borongan) [top]

|«  prev  next  »|
DAILY NEWS LIST:
»DOH launches public information and assistance desk
»Hospital Week seeks to build healthy citizenry
»Mindanao exporters hurt by appreciation of peso
»Davao raw materials to take center stage at Mindanao Trade Expo International
»Kadayawan festival kicks off in Davao
»Davao Oriental gov hears cry of inmates
»FHD, PBSP ink commitment for Zambo Sibugay Education Initiative
»Kapalong eyed as capital of Davao del Norte
»BFAR 12 launches hunger mitigation program for Sarangani
»DSWD tops performance approval ratings at 69%
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines