Cebuano News: PGMA mihatag ug pasidungog sa migawas nga Canadian ambassador
By Lanie Pitao-Tupaz
Manila (9 August) -- Gihatagan ni Presidente Arroyo sa Order of Sikatuna uban sa ranggo nga Datu (Golden Distinction) isip pasidungog sa migawas na nga Canadian Ambassador nga si Peter Sutherland.
Si Presidente mingon nga si Sutherland mihatag ug mabungahon nga pagserbisyo sa Pilipinas ug siya nagmalipayon usab sa iyang pagserbisyo ug pag-estar sa nasud.
Sa usa ka hamubo nga seremonya didto sa Malacaņang, si Presidente mihatag ni Sutherland sa Presidential Sash, Bagde, Star ug sa Presidential Plaque sa citation of the Order of Sikatuna.
Ang Order of Sikatuna nga naestablisar niadtong 1953 gihatag sa Presidente sa Pilipinas ngadto sa mga tawo, diplomats, officials, nga langyaw nga lumulupyo kinsa mihatag sa dili ordinaryong mga serbisyo lakip na ang pagpa-uswag ug pagpalig-on sa relasyon tale sa duha ka mga nasud nasud.
Si Sutherland mipasalamat ni Presidente sa suporta ug mainiton nga pagdawat kaniya ug sa gobyerno sa higayon sa iyang termino pagserbisyo sa nasud..
Usa sa mga miatendir nga mga opisyales sa maong seremonya mao si Foreign Affairs Secretary Alberto Romulo. (PIA Biliran) [top]
