Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 19 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/08/10

Komentaryo: Tama nga pitad an ginhimo ni PGMA sa pagdugang san mga pulis

Ni Nene A. Manzanares

Catarman, Northern Samar (10 Agosto) -- Damo an natuo nga tama an pitad nga ginhimo ni Presidente Gloria Macapagal Arroyo pagdugang san kadamo san mga pulis agud matagan sin tama nga proteksyon an komunidad.

Sa pagkayana, aton naiimdan an pagwarak san haros ngatanan nala nga klase nga krimen pareho san droga, pangawat, panlugos kaupod na an pagpatay. Para san ordinaryo nga tawo nga waray kapas pag protehir sa kanya kalugaringon an presensya san pulis sa kakalsadahan in naghahatag kumpyansa san ordinaryo nga taga komunidad nga himuon a kanya nga buruhaton sa ikina adlaw.

An pahayag ni Presidente Arroyo pag dugang sa kadamo san mga pulis sa sunod nga tuig in sayu nga desisyon nga mapaso nga ginkakarawat san komunidad.

Siyahan, sadto pa ine nga problema san kakulangan san mga pulis. Matungod sine nga kakulangan, an mga tawo nga yaun magraut nga mga plano in napatakas la sa kanra mga magraut nga buhat. Natapud sira nga dire sira madadakpan ngan madali nira ma eskapohan a kanra mga ginhimo nga krimen. An pagpadugang sa kadamo san mga pulis in tama nga baton sine nga kakulangan.

Ika duha, sine nga pagdugang san kadamo san kapulisan in makaka abre sin oportunidad san aton mga bag-o nga mga nag gradwar sa kolehiyo nga magkayaun sin trabaho. Dire na ine pareho sadtu nga yaun kit mga pulis nga mga dire gradwado sa kolehiyo. Yana nga panahon, an aton mga pulis in yaun na mga degree.

Ika tulo, an pitad pagdugang san kadamo san mga pulis in makakapakusog san aton gobyerno pag-ato san terorismo. Ine mismo an ginsugad ni Presidente Arroyo nga daku nga rason kun nano nga kinahanglan kit magdugang sin mga pulis. An terorismo in sayu nga makangingirhat nga problema nga inaatubang dire la san Pilipinas, kundi san bug-os nga kalibutan. Aton na-obserbahan nga kun waray maupay nga intelligence network dire gud mapupudngan an mga terroristic acts san mga tawo nga wary mga konsensya. Bisan manla an presensya san pulis sa kakalsadahan, daku na gud ine nga butang nga makakapugong san mga terorista nga himuon an kanra mga magraut nga plano.

Ika upat, kun yaun pulis nga naiimdan san mga tawo sa komunidad aada an pag-abat sin kamurayaw. Madali maghimo san mga ordinaryo nga mga buruhaton kun kita dire kinukulba ngan kun maaram kita nga yaun otoridad o pulis nga puede makabulig sa aton sin kadagmitan nga panahon Kamurayaw sa kasing-kasing san molupyo. Mao ine an pinaka importante nga rason kun nano nga.kinahanglan madugangan an kadamo san mga pulis. (PIA-Northern Samar) [top]

|«  prev  next  »|
DAILY NEWS LIST:
»Vounteers in West Leyte assist in rehabilitation of probationees
»Feature: 'Garbo sa Sugbo' awards and more
»NPAs surrender 88 firearms as military administers oath of 985 Bantay-Bayan members in Leyte
»Miriam's husband appointed new presidential assistant for Western Visayas
»Pagasa expects normal rainfall condition by September
»Pag-ibig Fund coordinators' assembly set
»Capiz officials take lead in census
»Roxas moms take shot at breastfeeding record
»Bulacan to be placed under state of calamity
»Commentary: PGMA's swift action to drought-hit regions
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines