Waray-Waray News: Komentaryo: Paggamit san computerization mao an paagi paglanat ngan pagpugong san mga naeskapo pagbayad san buhis
Ni Nene A. Manzanares
Catarman, Northern Samar (17 Agosto) -- An sayu nga pinakadaku nga problema san kakulangan san tama nga buhis nga angay unta masulod san kaban ni Juan de la Cruz mao an dire tama nga pagbayad san buhis o sa mas mabug-at nga pulong – an pag eskapo san tama nga kabaraydan san buhis.
Pero pina-agi san tax computerization, malilikyan na ngan mapupudngan ine nga pag eskapo san mga namamayad san buhis o mga tax evaders. Ginlansar pala sine nga semana sa pamuno ni Presidente Gloria Macapagal Arroyo an sinusugad nga Revenue Watch Dashboard (RWD) ngan san Local Government Unit-Revenue Assurance System (LGU-RAS) san Bureau of Internal Revenue.
An nasabi nga duduha nga mga computerized systems in ginlalauman nga epektibo nga makakalanat san mga eskapador san buhis. Gintagan bug-at ni Presidente Arroyo nga waray pagsasantohun san paglanat sine nga mga eskapador san kampanya kontra san tax evasion o kun pageskapo sa pagbayad san tama nga buhis. Waray mga "sacred cows" o mga sagrado nga mga kabakahan nga pagtatagaron. An termino nga "sacred cows" in ginagamit kun san pagpatuman sin balaud yaun mga tawo nga iba an pagtagad o mga tawo nga dire gin-uupod san tama nga pagpatuman san mga reglamento on mga pamalaud.
Kay nano nga pursigido si Presidente Arroyo nga magbayad an mga tawo san tama nga kabaraydan sa buhis? Matungod nga yaun kita angay nga pagpunuan san kakulangan san buhis san siyahan nga semestre sine nga tuig. Kinahanglan aton matuman an mga targets o an nahitalaan nga baraydan san buhis nga masulod sa kaban ni Juan de la Cruz. Kay nano? Kay yaun na sine mga nahitalaan nga baraydan.
An pagpatuman san duduha nga mga computerized tax systems labi na gud an Revenue Watch Dashboard in makakaimud san performance who klase san trabaho nga mag-uundong san transparency o kun waray lipud o limbong nga sistema, pagpa-uru-upay san pagsunod san pagbayad san buhis ngan paghatag man rekognasyon san mga nahihimo san magkadurudilain nga tax units.
An Revenue Watch Dashboard (RWD) an makakahimo paka- monitor san actual nga koleksyon sa BIR sa ngatanan nga antas o kun lebel san kabug-usan nga BIR.
An LGU- RAS o Local Government Unit- Revenue Assurance System in sayu manta nga on line performance nga maghahatag san BIR sin higayon bumaton sin mga pakiana para sa lebel san Local Government Units. (Northern Samar) [top]
