MANILA (17 August) -- Ang Technical Education and Skills Development Authority kon TESDA midawat sa Caritas Manila Inc. isip usa sa mga partner-organization nga motabang sa pagpahigayon PGMA-Training for Work Scholarship Porgram (PGMA-TWSP). Sa mga starters, ang programa naggahin ug pundong P5 milyones kantidad nga scholarship.

Ang PGMA-TSWP usa ka scholarship program ni Presidente Arroyo nga gidumala sa TESDA. Ang Tech-Voc nga mga kurso ubos sa PGMA-TWSP gibahin-bahin sa nagkalainlaing tapiko. Ang finishing course sa call center agents, medical transcription, animation, welding, slaughtering operation, barista, household service ug caregiving mao ang ubang mga kurso nga gitanyag sa maong scholarship. Anaa usa'y gitanyag alang sa Ladderized Education Program.

Si Secretary Augusto Boboy Syjuco, ang TESDA Director General, malaumon nga ang PGMA-TWSP nga scholars sa Caritas makahuman sa ilang mga kurso ug magpaubos usab ug assessment sa TESDA.

Si Sec. Syjuco nagpahayag sa iyang pasalamat sa Caritas tungod sa ilang pagtabang sa programa sa TESDA ug ang taas nga kalidad nga tech-voc training nga masayon alang sa gitudlong mga beneficiaries. "Nakasiguro ako nga ang Caritas mahimong aktibong partner sa pagpalapad sa opurtunidad sa kahibalo," matud pa ni Sec. Syjuco.

Ang Caritas usa sa mga nangunang Catholic agency alang sa kumon nga panerbisyo ug pag-ugmad sa Archdiocese of Manila. Naghatag usab sila ug technical assistance ngadto sa social services ug development ministries sa ubang lima ka mga dioceses sa Metro Manila.

Samtang ang TESDA sa iyang bahin, nagtumong sa pag "gain the grounds" ug "win the future" sa technical-vocational education ug training o mas giila nga TVET.