Komentaryo: Kalabot sa operasyon sa militar sa Basilan og Sulu
Tacloban City (17 August) -- Ang kasamtangan nga opensiba sa military gitumong lamang batok sa Abu Sayyaf nga mga membro og mga rebeldeng guerilya sa MNLF kinsa maoy nagpaluyo sa mga atake sa tropa sa gobierno sa miaging semana. Ang Abu Sayyaf nga grupo, kinsa gilambigit sa Estados Unidos ngadto sa Al Qaeda nga kalihokan, kabahin sa nag-atake diin 10 sa mga nangamatay nga Marino gipunggotan sa ulo0.
Ang operasyon sa military didto sa Basilan og Sulu dili maka-apekto sa 11 ka tuig nga kalinaw sa gobierno tali sa Moro National Liberation Front (MNLF) og sa iyang kasamtangan nga pakighinabi sa MILF.
Sa sunod semana, ang natanggong nga kasabotan sa kalinaw kalabot sa MILF ipadayon didto sa Malaysia. Si Presidente Arroyo, sa samang higayon, mimando sa department of Foreign Affairs sa pagpahigayon sa pag-extend sa grupo sa Malaysian nga International Monitoring Team (IMT) sa paglantaw sa paghunong sa pinusilay nga kasabotan tali sa MILF. (PIA) [top]
