Waray-Waray News: Presidente Arroyo ginduduon an pag pribado san power assets san gobyerno, pagpaubos sa bayad san kuryente
ni Ailene N. Diaz
Catarman, Northern Samar (21 August) -- Si Presidente Gloria Macapagal Arroyo in makikigkita kan Enery Secretary Angelo Reyes yana nga semana para makit-an an implementasyon san buhatan san Enerhiya san kanya direktiba nga mapalaksi an pag pribado san power assets ngan pagpaubos san bayad san kuryente.
Ini an ginpahayag ni Press Secretary ngan Presidential Spokesman Ignacio R. Bunye san kanya kulom san "The View from the Palace."
An Presidente natoo nga an pag pribado san mga buruhaton in mas magin epesyente kon kakaptan san pribado nga sector ngan diri la makakabulig san gobyerno para makatutuk san sentro nga buruhaton pero makakabulig liwat sa gobyerno makab-ot an gintitinguha nga kakulangan san targets.Ini an pahayag ni Bunye.
Sa luyo nga bahin, an pag ubos san bayad san kuryente in diri la makaka benifisyo san Filipino nga pamilya pero makaka ubos liwat san gastos kon mamuhunan negosyo dihan sa Pilipinas ngan mahihimo an nasud mas magin competitive. Dugang pa ni Bunye
San kanya State of the Nation Address (SONA) san naglabay nga Hulyo 23, an Presidente nag-aghat san duduha nga houses of Congress nga amiendahan an Electric Power Reform Act, particular na an section nga nagkikinahanglan sin 70 porsyento nga pag pribado san kuryente.
Sa kanya SONA, an Presidente nagsugad nga an Pilipinas in sayo san yaun pinakahitaas nga power rates san rehiyon.
Si Bunye nagsugad nga an Chief Executive in magpapahinumdum kan Reyes ngan iba pa nga opisyales san DENR matungod sini nga "principal agenda", nga mao an pagpadali san pagpribado san power assets ngan pagpaubos san power rates.
Gin otro ni Finance Secretary Margarita Teves an kan Presidente mando san pagpadali san proseso san pag pribado, ngan nagsugad nga an budget deficit san gobyerno in pwede pa mahimub-an ngadto san 13 bilyones sa pagtapos san tuig 2007 kon an pagpribado madayon katugbang san makusog nga kolekta san buwis.
Sugad niya nga an pagbaligya san share san gobyerno sa Manila Electric Company (MERALCO) ngan an propriedad sini sa Fujimi, Japan nga nakantidad 10 bilyones ka pesos ngan 3 bilyones ka pesos kaupod na an partial recovery san Bureau of Internal Revenue ngan Bureau of Customs nga kakulangan san buwis, in dako an maibubulig san pagpahamubo san budget deficit. (PIA Northern Samar) [top]
