Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 26 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/08/22

Cebuano News: Pangulong Arroyo nanawagan sa katawhan pagpaluyo sa mga kasundalohan sa away batok terorista

MANILA (22 August) -- Gibarugan ni Presidente Gloria Macapagal Arroyo ang gihimong pagpakig-gubat karon sa mga sundalo batok sa kaaway nga Abu Sayyaf didto sa Basilan ug Sulu, nunot sa iyang pag-ingon nga dili niya talikdan ang maong pagpanagsangka.

Kini samtang nanawagan sab siya sa katawhang Pilipinhon labot sa hingpit nga pag-suporta sa nakig-away nga mga puwersa sa kagamhanan.

Giluwatan sa Pangulo ang maong panawagan sa iyang binuksang pamahayag sa gihimong National Security Council (NSC)-Cabinet Group meeting didto sa Malacanang kagahapon sa buntag.

"Dili kita mo-atras sa pagpakig-away aron mahatagan og katarungan ang kamatayon sa mga marines ug aron usab ma-angkon nato ang kahusay ug kaninaw, ingon man kalambuan sa nasud," nagkanayon ang Presidente.

Una, matud pa niya, "Atong pasidunggan ang mga sundalo nga nakigbisog, namatay o nasamdan didto sa Basilan ug Sulu."

Matud sa Pangulo nga nakasabot siya sa mga pagbati niadtong nanawagan aron undangon ang sangka, apan sa samang pagka-agi gitumbok sab niya nga "angay natong hinumdoman nga ang nasud dili maka-kab-ot og kalinaw ug kahamugaway kon ang kagamhanan dili makakuhag hustisya alang sa mga sundalo nga nakig-away ug nagpakamatay aron lamang kapanalipdan ang atong inahan-nasud."

Ikaduha, "batok sa terorismo, ang atong gisaligan nga hinagiban nagapabilin nga mao ang economic development, base sa atong demokrasya. Ang nagapadayon nga operasyon batok sa kaaway gituyo aron pagsiguro nga mahinlo ang agianan niining mga probinsiyaha alang sa kalinaw ug kalambuan nga dugay rang nababagan gumikan sa kalisang ug kahadlok."

Ikatulo, ang iyang administrasyon mag-sige sa tinguha niini alang sa malinawon nga kasulbaran sa kagubot sa Mindanao "ug sa ingon ikalusad sa mga katilingbang Muslim ang pagdagsa sa puhunan ug kalambuan."

"Ika-upat, sa kadaugan sa atong mga sundalo ug mga pulis batok sa mga terorista sa Basilan ug Sulu, dako ang puruhan nga mosuway sila pagpakatap og mga kaguliyang sa ubang bahin sa nasud, busa gimandon nato ang kapolisang ug Armadong Kusog sa pakig-alayon sa mga kagahamang local aron lig-onon ang mga kalungsoran," ni Pangulong Arroyo pa.

Ikalima, giduso sa Pangulo ang panginahanglan sa pag-hiusa, ug dili magpabalda sa mga pundok nga gusting buwagon ang kasundalohan ug ang nasud mismo.

Ika-unom ug katapusan, ang Presidente miingon nga ang terorismo dili lang maoy bugtong kaaway sa nasud pagka karon, sanglit anaa pa ang mga problema sa bagyo, baha, ug huwaw nga mi-igo sa bisan asang dapit sa kapupud-an.

"Kinahanglan nato karon ang pagka-mabayanihon sa mga Pilipino. Nanawagan ako sa tanang mga hut-ong ug sa kada Pilipinong lungsoranon nga unta dili nato pakyason ang atong inahang Pilipinas," dugang pamahayag sa Presidente.

Malaumon gihapon ang Pangulo nga ang GRP-MILF Peace Talks magapadayon ra gihapon sa sunod bulan didto sa Malaysia, bisan pa sa iyang pagpahibalo sa labing unang Regional Peace Assembly sa Bohol karong Huwebes, kon ugma, Agosto 23.

Ang Bohol regional peace assembly paga-buhaton usab sa ubang rehiyon "agi og suporta sa gobyerno sa mga paglihok sa kagamhanang local alang sa kalinaw."

Mitambong sa tigom uban sa Presidente mao sila si Executive Secretary Eduardo Ermita, Defense Secretary Gilbert Teodoro, Justice Secretary Raul Gonzalez, Press Secretary Ignacio Bunye, AFP Chief of Staff Hermogenes Esperon ug PNP Director General Oscar Calderon. (PIA-Southern Leyte) [top]

|«  prev  next  »|
DAILY NEWS LIST:
»BIMP EAGA to put up business development unit
»Mindanao businessmen urge gov't to fast-rack application for Halal certification
»DOE, DEPED embark on a humanitarian offensive in Basilan, Sulu
»Launching of Hedstart Lite and IT Academy, TESDA's 13th anniversary offering
»Celebrating TESDA's 13 years of faithful commitment to dev't of WOW Pinoy
»Inter-Regional Caravan links tourism industry of Regions 5, 8 and 13
»Feature: Sorsogon City, Bicol's richest newly-created city
»Cagayan Valley DENR embarks on massive tree planting
»Feature: New hope for indigent patients as PGH rises
»Waray-Waray News: Presidente Arroyo ginduduon an pag pribado san power assets san gobyerno, pagpaubos sa bayad san kuryente
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines