Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 24 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/08/22

Waray-Waray News: Presidente Arroyo nananawagan san nga Filipino nga magburublig sa luyo san nga tropa, nagsaad nga ipadayon an pagpakiwa san military kontra terorista

ni Ailene N. Diaz

Catarman, Northern Samar (22 August) -- Sa panawagan ngadto san mga Filipino nga magburublig san luyo san pwersa armada san Pilipinas ngan Philippine National Police sa pag ato san Abu Sayyaf sa Sulu ngan Basilan, si Presidente Gloria Macapagal Arroyo nagsugad kahapon nga waray na atrasan san natatabo nga padayon nga pakig ato kontra teorista.

Dida san kanya panguna nga pag-bagaw durante san National Security Council,-Cabinet Group Meeting san Malacanang kahapon nga aga, an Presidente nagsugad nga, "diri kit maatras sa pakig-ato para matagan sin hustisya an aton mga marino ngan basi matagan sin kamurayaw ngan kauswagan an bungto."

An NSC-Cabinet Group Meeting kahapon in ika duha san sayo nga semana nga gintirok san Presidente para pag iristuryahan in pag uswag san padayon nga operasyon san military kontra Abu Sayyaf nga terorista sa Basilan ngan Sulu.

Una, sugad ni Presidente, "kinahanglan tagan ta dungog an mga sundalo nga nakig bisog, nagkamatay ngan adton nagkakasamaran sa Basilan ngan Sulu."

Myentras nagsugad si Presidente nga nasabot siya san sintemyento sadton nananawagan para sin dagmit nga pagtuok san aragway san Basilan ngan Sulu, an Presidente naghatag ponto ngan nagsugad nga; "kinahanglan ta hunahunaun nga an nasud in diri makakatagamtam sin kamurayaw ngan pag uswag kon an gobyerno in diri makakab-ot san hustisya para sadton mga sundalo nga nakig-ato ngan nagkamatay sa pag depensa san aton nasud."

Ikaduha, "kontra terorismo, an aton numero uno nga armas in nagpapabilin nga pan ekonomiya nga kauswagan nga ginkukuha naton tikang san arsenal san demokrasya. An padayon nga pag-ato kontra san patalikod nga buhat san mga perdido nga grupo in nangangahulugan sin pag hamis san dalan para san paglakawon sini nga mga probinsya ngadto san kamurayaw ngan progreso nga nadelatar san terorismo sin maiha na nga panahon.

An ika tulo, an kanya administrasyon in maundong san tinguha pankamurayaw nga pakig uru sturya san samok san Mindanao, nga mao an maglulunsar san haluag nga pag uswag san mga kumunidad san Muslim san pagdamo san mamumuhunan ngan pondo pan progreso.

An ika upat, sa pagdaug san aton pwersa armada ngan pulis kontra terorista sa Basilan ngan Sulu diri harayo nga mag tikang na liwat sira pagwarak sin karat-an san iba nga lugar san nasud, mao nga ginsusugo ko an ngatanan nga kapulisan ngan military sa bug-os nga nasud nga makigburubligay san mga local nga pangobyernohan ngan san mga tawo basi mapakusog an mga bungto ngan syudad kontra san bisan nano nga plano san terorista," sugad ni Presidente.

An ikla lima, an Presidente naghatag bug-at san kakinahanglan sin madaliay nga pakigsayo, nga diri maapektuhan san partido nga karuyag magbukwag san pwersa armada ngan san nasud mismo.

Ngan an ika unom, an Presidente nagsugad nga an terorismo in diri la mao nga kontra sa gobyerno sa yana nga panahon, ada liwat an bagyo, baha nga nagsudir san iba nga parte san nasud myentras an iba ada pa sa ilarum san kamara.

Sugad ni Presidenete; "Kinahanglan san aton nasud yana an kabayanihan tikang san tagsa nga Pilipino. Nananawagan ak sa ngatanan nga sector ngan san tagsa nga mulopyo ayaw ta pagpasul-i an aton iroy nga tuna."

An Presidente nagsugad nga siya padayon nga malinaumon nga an GRP-MILF nga Peace Talks in mahimo san sunod nga bulan sa Malaysia, ngan iya gin-anunsyo an pagbubuhaton nga prumero nga Regional Peace Assembly sa Bohol sa Huebes, Agosto 23.

An Bohol Regional peace assembly o katitirok in kukupyahon san iba nga rehiyon. Sugad niya, ini an suporta san gobyerno san mga pagkiwa nga ginbubuhat san mga namumuno san local nga pangobyernohan para san kamurayaw."

Kaupod san nakadto durante san NSC-Cabinet Group Meeting sira Executive Secretary Eduardo Ermita, Defence Secretary Gilbert Teodoro, Justice Secretary Raul Gonzales, Press Secretary Ignacio Bunye, AFP Chief of Staff Hermogenes Esperon ngan Philippine National Police Director General Oscar Calderon. (PIA Northern Samar) [top]

|«  prev  next  »|
DAILY NEWS LIST:
»BIMP EAGA to put up business development unit
»Mindanao businessmen urge gov't to fast-rack application for Halal certification
»DOE, DEPED embark on a humanitarian offensive in Basilan, Sulu
»Launching of Hedstart Lite and IT Academy, TESDA's 13th anniversary offering
»Celebrating TESDA's 13 years of faithful commitment to dev't of WOW Pinoy
»Inter-Regional Caravan links tourism industry of Regions 5, 8 and 13
»Feature: Sorsogon City, Bicol's richest newly-created city
»Cagayan Valley DENR embarks on massive tree planting
»Feature: New hope for indigent patients as PGH rises
»Waray-Waray News: Presidente Arroyo ginduduon an pag pribado san power assets san gobyerno, pagpaubos sa bayad san kuryente
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines