Cebuano News: Tigum sa local peace security moadto sa Bohol sa Agosto 23-24
TAGBILARAN CITY (22 August) -- Ang National Security Council (NSC) ug ang mga rehiyonal nga lideres maghiusa sa Bohol karong Agosto 23-24 sa pagsugod sa Central Visayas Local Peace and Security Assembly (LPSA). Kini mao ang pinakaunang serye sa konsulktasyon mahitungod sa kalinaw ug seguridad nga himoon sa nagkalain-laing rehiyon sa nasud..
Ang asembliya sa Bohol naglaum sa presensiya ni Pangulong Gloria Macapagal-Arroyo, ang cabinet cluster sa nasudnonmg seguridad, ubang cabinet secretaries ug opisyales, ang mga miembro sa regional peace and order councils, mga representante sa academe, religious ug business nga sektor ug ang mga local chief executives.
Sa LPSA, ang gobyerno naglaum sa pagngalan sa gikatingad-an nga mga problema tungod sa kasamok, ug ang socio-economic nga kantidad sa lokal nga komunidad, pagdeterminar sa nag-unang kalihokan, paghimo sa mga resolusyones nga makaresolbar sa mga problema ug pagngalan sa manguna kinsa mudumala sa pagpatiwala sa malinawong pagsulod ug balik sa mga tawo ngadto sa normal.
Ang LPSA maghatag usab ug lugar alang sa mga partisipante pagpresentar sa ilang rehiyonal nga modelo alang sa conflict resolution, panginabuhian ug mga programa sa kaugmaran, mga paningkamot alang sa social justice ug ang responsibilidad nga pagahimoon sa lokal nga lideres.
Ang maong asembliya subay sa two-pronged approach sa gobyerno alang sa peace building: paghatag sa iron fist ngadto sa mga kriminal ug terorista samtang maghangop sa lokal nga mga rebel ngadto sa negosasyon alang sa panagsabot sa kalinaw.
Ang Bohol gipili isip lugar diin ipahigayon ang LPSA tungod sa taas nga eksperyensya pagkunhod sa local insurgents pinaagi sa paghiusa sa lokal nga mga insiyatibo pagsulbad sa kagubot, pagpadayon sa normal ug pag-aghat sa kaugmaran sa maong lugar. (PIa-Southern Leyte) [top]
