Cebuano News: TESDA, Microsoft milusad sa IT program
by Roberto M. Cabardo
Cebu City (August 23) -- Gilauman karon nga mas molambo pa ang kahibalo sa mga Pinoy sa kahibalo kabahin sa computer nga sagad gikinahanglan karon sa pagpanarbaho.
Kini human mopirmag kasabutan ang TESDA og ang Microsoft Philippines Hedstart IT Academy sa programa nga nagtinguha pagbansay sa mga tinun-an sa nasod sa paggamit og computer.
Ang programa pormal nga ilusad sa syudad sa Makati sa Biyernes, petsa biente kwatro ning bulana.
Si Michelle Cascio, Academic Program Manager sa Microsoft Philippines nagkanayon nga tinguha sa maong programa ang pagkat-on sa mga bata sa maayo og saktong paggamit sa computer.
Ang Sugbo, kung mahinumduman, maoy gideklarar ni Pres. Gloria Macapagal-Arroyo nga sentro sa information technology sa Pilipinas. (PIA Cebu) [top]
