Southern Leyte (30 August) -- Ang Energy Regulatory Comission (ERC) nagplano pag-isyu ug provisional authority nga makakunhod sa bayranan sa state-run power nga mga institusyon nga mas labaw sa piso karong Oktubre.

Ang ERC nakatakda sa pagpahibalo sa desisyon diin makita ang pagkunhod alang sa foreign-exchange nga ginansya sa Napocor ngadto sa P1.2737 kada kilowatt hour ubos sa Incremental Currency Exchange Rate Adjustment (Icera), ang Napocor nagpahibalo sa foreign-exchange gains nga P78 bilyones sa tuig 2005 ug P65 bilyones sa 2006.

Ang ERC sa kasamtangan nagkompirma sa 74.25 sentabos kada kilowatt-hour nga provisional authority nga gihatag ngadto sa Napocor diin gilakip ug sukot sa mga konsumidor gikan sa Pebrero hangtud karon, aron pagtugot sa Napocor sa pag-angkon ug balik sa foreign exchange losses gikan sa Nobyembre 2005 nagdto na sa Enero 2006. Ang Icera nga mekanismo nagtugot lamang sa Napocor pag-angkon ug balik sa dugang galastuanan sa diperensya sa foreign exchange nga mga kausaban.

Kon ang Napocor makalabang na sa total nga dugang bayranan nga pagakolektahon pinaagi sa Pebrero nga rate adjustments, ang maong dugang bayranan maundang.

Ang Napocor nagsiguro sa mga konsumidor ug sa publiko nga walay pagtaas sa bayranan sa koryente.

Sa Visayas, ang Napocor nga mga bayranan miubos sa dili momenos P0.50 kada kilowatt-hour, nga naglakip sa tanang gi-aprobar nga kausaban, samtang sa Mindanao, ang bayranan miubos ug mas labaw sa P0.20 kada kilowatt-hour.