Manila (30 August) -- Gi-abi abi ni President Gloria Macapagal-Arroyo kagahapon sa Malacanang si President Ernest Benach Pascual sa Spain Regional Parliament sa Catalonia, usa ka dapit diin mokabat sa 15,000 ka mga Pilipinhon nga nagtrabaho sa panerbisyo og turismo nga mga industriya.

Ang Presidente nagdawat sa Catalonian nga pangulo sa Malacanang"s Music Room kagahapon kauban sa mga membro sa iyang opisyal nga delegasyon nga naglakip kang Alvaro Trejo, charged'affaires, Spanish Embassy, Marina Garcia, pangulo sa buhatan sa Presidente, Eva Calvet, pangulo sa President's press Office og Eduardo Triay, pangulo sa Protocal Office.

Si House Speaker Jose de Venecia Jr. mitunol kang Pascual ang Congressional Medal of Achievement sa pag-ila sa iyang " naila nga talaan ingon nga usa ka politikanhon ug sibilyan nga pangulo" sa independente nga rehiyon sa Spain.

Si Pascual mianhi sa Philipinas aron sa pagbalus sa pagbisita ni Speaker De Venecia didto sa Catalonia, Spain kaniadtong Abril 2006.

Ang Catalonian nga pangulo maoy nag-umol sa politikanhon nga kalihokan nga giila nga Nacionalista d" Esquera (Nationalists of the Left) diin siya nagbarug ingon nga kandidato sa nga edad nga 20 atol sa unang Parliament nga pinili-ay sa Catalonia kaniadtong 1980.

Si Pascual napili nga Presidente sa Catalonian Regional Parliament kaniadtong desiembre 2003. Siya karon ang pangulo sa Conference's nagtrabaho nga grupo sa subsidiary.