Presidential Communications Operations Office



  PIA Bldg, Visayas Ave, Diliman, Quezon City, Philippines
  Sunday, 5 December 2021 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << December 2021 >> 
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/10/01

Ilocano News: Gapu iti Basi Revolt 1807 Basi, Official Drink iti I. Sur

Ni Ben Pacris

SAN Ildefonso, Ilocos Sur (1 October) -- Iti laksid a 200 a tawenen ti napalabas idi napasamak ti nadara a Basi Revolt iti Barangay Gongogong iti daytoy nga ili, ngem uming-ingel pay laeng ti nainhistoriaan a basi ditoy a maibilangton nga official drink iti Ilocos Sur.

Kinuna ni Gobernador Deogracias Victor Savellano a nasken a maital-o ken mapadur-as ti bukodtayo a partuat a basi nga adda pakainaiganna ti kultura ken historia dagiti Ilokano.

Daytoy ti waragawag ti gobernador a nangidonar pay iti P50,000 para iti daytoy nga industria bayat iti kaunaan a pannakarambak ti basi Revolt iti daytoy nga ili idi Setiembre 16.

Kinuna ni Gob. DV a maibilangto payen ti Setiembrte 16 a kas official Public Holiday iti San Ildefopnso tapno tinawen a marambakan daytoy nainhistoriaan nga iyaalsa dagiti Ilokano kontra iti naiyetnag idi a Basi Monopoly babaen iti turay Kastila.

"Kadagiti okasion nga angayen ti provincial government maiparaman ti basi kadagiti sangsangaili ken turista tapno mai- promote daytoy a produkto," kinuna ti gobernador.

Impanamnama met ni Diputado Ronald Singson a suportaranna ti pannakapadur-as ti industria ti basi aglalo ta daytoy ti mangipalagip ti Basi Revolt idi 1807 a napateg iti historia dagiti Ilokano.

Kinuna met ni Mayor Christian Purisima a ti basi ti napili ti San Ildefonso para iti "One Town, One Product" program ni Presidente Gloria Macapagal Arroyo. Ti Barangay Gongogong ti pakaart-aramidan dagiti naimas a basi manipud pay idi tiempo ti Kastila.

Mailako ti sangabotelia a basi nga addaan iti marka a Gongogong 1807 Revolt kadagiti igid ti kalsada iti ili pakairamananto kadagiti groseria iti Vigan ken Candon ken urayto pay iti Metro Manila, knuna ti mayor.

"Tay black label, nasugpet a basi wenno naing-ingel ngem tay red wine, nasamsam-it," kinuna ti mayor numan pay innayonna a maital-o pay ti Sukang Iluko a produkto met laeng ti ili.

Maipalagip a napasamak ti Basi Revolt idi Setiembre 16- 28, 1807 a nangrugi iti Piddig. Ilocos Norte ken naggibus iti Gongogong, San Ildefonso, Ilocos Sur nga ayan idi ti Karayan Bantaoay a nakapasamakan ti nadara a ranget dagiti insurekto nga Indio kontra kadagiti soldado ti turay Kastila.

Ti Kalsada Ambaristo a kumamang iti Barangay Gongogong, naipanagan ti maysa kadagiti natured a nangidaulo ti Basi Revolt a ni Salorogo "Kimat" Ambaristo. (PIA Ilocos Sur) [top]

|«  prev  next  »|
DAILY NEWS LIST:
»City councilor commends Pintados for community services and initiatives
»Feature: Region 8 boasts many talented, artistic students
»2nd Pintados reg'l cheer dance competition draws overflowing crowd
»Mayors laud Sen. Roxas for interacting with Leyte chief executives
»Senator Roxas hints at possible postponement of barangay elections
»LMP urges Senate to approve postponement of barangay, SK polls
»Attractive package, low-cost housing scheme fuel real estate boom
»RP's corruption rank slips due to increase in number of countries covered
»Robbers take away cash, checks, vouchers from Nueva Vizcaya town hall
»NVizcaya PNP forms rebel returnees into an organization
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines