Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 29 January 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << January 2022 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/10/02

Waray-Waray News: Kadagmitan nga mga pitad kuntra han Brontispa Pest pagplaplanuhan

Manila (2 October) -- Makikighiruhimangraw yana nga simana an mga opisyales han Department of Agriculture (DA), ha panngunguna ni Secretary Arthur Yap ngada han lokal nga mga Puno Ehekutibo ngan mga labaw nga kapulisan agud igplastar an mga pamaagi ha pagpadapat hin kadagmitan nga mga pitad nga iginmando ni Pangulo Arroyo pagsurapo ngan pagpuypoy hin usa nga peste ha lubi nga mahimo makahanaw han P40-bilyones ngsa industriya han lubi.

Nagsiring hi Yap nga an nakatalaan nga miting ngada han mga opisyales han League of Provinces of the Philippines ngan han League of Municipalities yana nga Martes (Oct.2) amo en kabatunan han Executive Order No. 664 nga iginpagawas ni Pangulo Arroyo kun diin iginmamando ha DA nga "magdumara hin kadagmitan nga mga pitad" agud mapudngan an coconut leaf beetle (Brontispa longgissima Gestro, ha siyentifiko nga pagkilala), "nga kumalat ngadto hin 68 nga coconut-producing provinces."

Iginpagawas an EO 664 ugsa gumikan an Pangulo ngadto ha New York hadton naglabay nga simana, kataliwan igreport han DA nga an mao nga insekto en ha pagkayana naghuhulga ngada han lokal nga industriya ha panlubihan.

"Aaru-on naton an bulig han aton lokal nga mga Puno Ehekutibo ngan hi kita gud an maghuhurma han mga pamaagi kun paonan-o ig-iimplimentar ini nga direktiba han Pangulo," pagsaysay ni Yap ha atubangan han mga senador dida han pinakabag-o nga hearing bahin han iginproproponer nga budget han DA nga naabot hin P25.9 bilyones para han 2008.

Nagsiring hi Yap nga iya gihapon iimbitaron en mga representate tikang han Department of Interior and Local Government (DILG) sugad man han Philippine National Police agud paghindu-on an implementasyon hini nga mga kadagmitan nga mga pitad.

Nagsiring hiya nga ha turutimprano pa, nagsaad an Vietnam pagbulig han Pilipinas nga mapudngan an pagkalat ngan pakahibang hin darudamo pa nga mga puno hin lubi ha nasud hini nga coconut leaf beetle durante han bilateral meeting ha butnga han Pangulo Arroyo ngan Vietnamese Prime Minister Nguyen Tan Dzung ha Manila han naglabay nga bulan.

Iginkwarintina han DA an Metro Manila ngan 26 nga mga probinsya nga gin-atake hin coconut leaf beetle, sugad nga kaparte hini nga mga kadagmitan nga mga pitad pagsalbar han kanan nasud industriya ha panlubihan tikang han mao nga peste.

Ilarum han Special Quarantine Order No. 1 nga iginpagawas han Bureau of Plant Industry (BPI) han DA, igindiri gihapon han departamento an importasyon hin palm seed nuts ngan seedlings tikang hin masubra 24 nga mga nasud kun diin nahireport nga mayda mga pag-atake hin Brontispa.

An mga probinsya nga iginkwarintina amo an Ilocos Norte, Pangasinan, Nueva Vizcaya, Pampanga, Bulacan, Nueva Ecija, Tarlac, Aurora, Laguna, Batangas, Cavite, Quezon, Rizal, Southern Palawan, Albay, Camarines Sur, Sorsogon, Iloilo, Aklan, Guimaras, Bohol, Eastern Samar, Northern Samar, Zamboanga, Bukidnon ngan Davao. (PIA Borongan) [top]

|«  prev  next  »|
DAILY NEWS LIST:
»Tax seminar for bookkeepers slated
»DepEd issues guidelines on schools' operation
»Elderly Filipino week starts
»DAR clarifies news reportage on Mati picket rally
»Sarangani employs anti-poverty tool
»RDR revives provincial sports complex improvement plan
»Pag-Ibig XI wins Civil Service distinction
»Confiscated substandard products from China to be destroyed
»Odyssey Waves awaits 4th Eastern Samar surfing competitors
»DepEd joins Nat'l Children's Month celebration in October
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines