Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 29 January 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << January 2022 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/10/04

Waray-Waray News: Globalisasyon waray kabarak-an, siring ni PGMA

SHANGHAI, China (4 October) -- Nagsiring yana an Pangulo Gloria Macapagal-Arroyo, Oktubre 2, nga diri nababaraka an Pilipinas hiton globalisasyon ha paghunahuna nga magigin usa nga pitad an globalisasyon agud masurapo an kakablasan ngan magtutugway ngadto han modernisasyon han nasud.

Nakaka-obserbar han madagmit ngan labaw hin ka-ordinaryo nga pag-uswag han ekonomiya han Tsina ilarum han globalisasyon, nagsiring an Pangulo nga an iya pagbisita ngada hini nga syudad, an kanan Tsina sentro hin komersyo ngan pagtaga-panalapi, en gindadahum nga mag-aabre hin bag-o nga mga paaragi-anan hiton mga oportunidad pannegosyohan ha butnga han Tsina ngan Pilipinas.

Ginhimo han Pangulo an mao nga mga komento ha atubangan han Philippine Business and Investment Forum (PBIF) nga ginbuhat didto ha Grand Ballroom han Le Royal Meridien Hotel hini nga lugar. Gin-organisar an mao nga hiruhimangraw han Shanghai Overseas Chinese Chamber of Commerce (SOCCC) kun an Shi Mao group, an pinaka-influensiado nga business organization ha Shanghai.

"Kapareho han Tsina, natuo kita han gahum han global trading ha pagsurapo han kakablasan ngan pagmodernisar han mga nasud pinaagi han mga puersa han merkado," siring niya.

Iginpahayag han Pangulo ha mga negosyante nga nagigin agresibo an Pilipinas ha pagpamiling hin damo la nga mga relasyones pannegosyohan agud makigbisog para han globalisasyon.

Nagpahayag gihapon an Pangulo hin pagtapod nga an pankabug-usan nga relasyones han Pilipinas ngan Tsina ha pagkayana en mas hamtong na ngan komprehensibo sugad nga makikita ha mga mahinungdanon nga mga proyekto kanay panuyo mapahiruhilarum an sumpayan ha patag han pannegosyohan.

Sumala han Pangulo, ika-tulo han pinakadaku nga trading partner han Pilipinas an Tsina nga may-ada daku nga trade surplus tikang han tuig 2002 pinaagi han katangdu-an pagparig-on han kooperasyon pan-ekonomiya ngan pannegosyohan.

Iginpahayag gihapon han Pangulo nga sugad nga resulta han mga pitad nga ginbuhat han iya administrasyon nga reporma ha panalapi, aada na yana ha dalan tipakadto hin permanente nga pag-uswag ha ekonomiya ngan stabilidad an nasud.

Kataliwan han forum, nakigkirigta an Pangulo han mga labaw nga mga opisyales han SOCCCA ha panngunguna han presidente hini nga hi Xu Rong Mao, an tag-ada han Le Royal Meridien Hotel, chairman han Council for the Promotion of International Trade Shanghai nga hi Cen Furong, dida han Parlour V ngan Ballroom IV, han mao nga hotel. (OPS/PIA) [top]

|«  prev  next  »|
DAILY NEWS LIST:
»OCD opens hotlines when disaster strikes
»BON now with tighter policies
»9 projects up for Ahon Bayan funds
»New Bankerohan bridge feared to miss Davao mayor's deadline
»Multi-sectoral consumer program in Davao City carried out
»Davao steadies call-center manpower sources
»New PAF TOG-10 chief named
»DOLE names successful nurses in the 2006 voluntarily retake exam
»DTI conducts CE program in Northern Mindanao
»Oro Chamber to cite 12 most inspiring Normin entrepreneurs
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines