Cebuano News: Pagbisita ni PGMA sa China, India alang sa multilateral, bilateral relations
Manila (4 October) -- Si Presidente Gloria Macapagal-Arroyo atol sa iyang pagbisita sa China og India "panghingusgan ang atong agrisibong pagpangita sa multilateral og bilateral nga relasyon diha sa pangnegosyo."
Sa iyang mensahe sa wala pa molarga, siya miingon, "karong adlawa, kita mogikan paingon sa shanghai sa unang rota sa duha ka –nasud nga paglakaw nga magdala kanato ngadto sa China og India – duha sa paspas nga nagtubo nga nasud dinhi sa rehiyon og sa tibook kalibotan."
Samtang diha sa China, si Presidente Arroyo miingon nga siya nakatakda og pakigsabot kauban ni Chinese President Hu Jintao, ubos sa panguna "atong kinatibuk-an nga relasyon nagtubo aron mahimong dugang masaligon, maligdon og komprohensibo, kauban sa ubay-ubay og importante nga mga proyekto gitumbok ngadto sa pagpalalum nga pagbaylo-ay sa pipila ka mga dapit, kalip na ang negosyo og pagbubu og puhunan."
Ang China kasamtangan mao ang ikatulo nga pinakadaku nga kasosyo sa Pilipinas "kansang makabaton ta og ubay-ubay nga sobra sa negosyo sukad sa 2002," matud pa niya.
"Ang atong Framework Agreement kalabot sa Expanding and Deepening Bilateral Economic and Trade Cooperation nagdugang sa pakigsabot sa negosyo tali sa China," matud niya.
Sa Shanghai, ang Presidente maghatag og mensahe kalabot sa Philippine Business and Investment Forum, kini gi-organisar sa konseho alang sa Promotion of International Trade og sa Shanghai Overseas Chinese Chamber of Commerce.
Siya usab ubanan ni Presidente Hu diha sa mga seremonyas sa pag-abli sa Special Olympic sa alas 7:00 sa gabii nga pagahimoon sa Shangai Stadium.
Sa Miyerkules, si Presidente Arroyo mao ang maghatag og mensahe didto sa Global Policy Summit mahitungod sa Well-being sa mga Katawhan kauban sa Intellectual Disabilities nga pagahimoon didto sa Shanghai International Convention Center.
Si Presidente Arroyo gipa-abot nga mopadulong sa Mumbai, India sa pagka-hapon., diin ang unang pagbisita ngadto sa India sa usa ka Pilipino nga presidente sulod sa usa ka dekada, aron sa pagdugang sa kalamigitan sa duha ka nasud diha sa negosyo og pamulitika.
Ang Presidente nakatakda nga makigkita kang Indian President Pratibha Patil, unang babaye nga presidente; Prime Minister Mammohan Singh; ilang party chairperson nga si Sonia Gandhi og ubang Indian nga mga political nga mga pangulo.
Siya usab gipa-abot nga makigtagbo sa mga Pilipino nga kumonidad didto sa Mumbai og New Delhi.
Ang India usa sa dagku nga tinubdan sa katunga-nga –presyo sa medisina dinhi sa Pilipinas. Kini usab ang nag-una sa business process outsourcing (BPO), diin kini ang pinakpaspas nga industriya sa nasud karon. (PIA-Southern Leyte) [top]
