Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 29 January 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << January 2022 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/10/11

Cebuano News: Dugang salapi gibubo subay sa Millenium Development Goal report - PGMA

MANILA (11 October) -- Angay nga sustenihan ang pagtubo sa ekonomiya pinaagi diha sa pagbubo og puhunan sa edukasyon, healthcare ug training, ingon man angay nga danihon pa ang ubang buot mamuhunan dinhi sa nasud pinaagi sa pagbubu og binilyon nga puhunan alang sa mga bag-ong tulay, kadalanan, ug pantalan.

Mao kini ang usa sa mga punto nga gihatagan og igong gibug-aton ni Pangulong Gloria Macapagal Arroyo atol sa iyang pagpamulong sa 2007 MDG Report didto sa Manila Hotel gahapon sa buntag.

Matud sa Pangulo nga basi sa gipakita diha sa MDG Report, ang Pilipinas nakahimo nag igo nga pag-uswag labina diha sa poverty reduction, nutrition, pag-paubos sa child mortality, pagsanta sa HIV ug AIDS, malaria ug uban pang sakit, lakip na ang pagtanyag sa mga katawhan og luwas nga tubig-mainom ug hinlo nga kasilyas.

Ang maong progress report nagkanayon nga kinahanglan pa gihapon ang Pilipinas molihok aron ma-angkon ang target labot sa universal access sa edukasyon, maternal mortality, ug kasayon pag-angkon sa mga reproductive health services.

"Nagbutang pa kita og dugang kuwarta sa mga programa nga gisugyot sa MDG report," matud sa Pangulo.

Una, ang gobyerno mopausbaw sa investment infrastructure niini aron pagdani og dugang pa nga mga patigayon nga mosulod dinhi sa nasud ug sa ingon makamugna og dugang pang trabaho.

Ikaduha, ang gobyerno mopa-usbaw sa social services sama sa health insurance subsidy alang sa nga kabus nga pasyente ingon man ang pagpa-apil sa pagpanganak diha sa health insurance aron matuman ang tumong sa pagkunhod sa maternal mortality subay sa MDG nga katuyoan.

Buboan pa og dugang kuwarta aron ma-upgrade ang mga local government hospitals gikan sa primary ngadto sa secondary sanglit ang mga secondary hospital dunay mga kahimanan alang sa normal ug caesarian nga pagpanganak.

Ang gobyerno mogasto usab og dugang alang sa food-for-school program aron madasig ang mga ginikanan pagpa-eskuyla sa ilang mga anak ug sa ingon motaas ang gidaghanon sa mga molampos sa sayo nga edukasyon.

Ikatulo, isip tipik sa poverty reduction program, ang gobyerno mopa-ulbo pa gyod sa suporta sa edukasyon diha sa paghimo og mas anindot nga mga schoolbuildings, bag-ong mga libro ug mga basahon sa pagtudlo, apil na ang mga training program alang sa mga magtutudlo.

Ikaupat, putlon ang di maayong paagi sa pagkiglambigit sa gobyerno ug padayonon ang pagwagtang sa pagpangawkaw nga nalublob na sa sistema.

Samtang gitumbok usab sa Pangulo nga ang aginod sa pag-pamuhunan ug pagpatuman sa mga mahinungdanon nga mga proyekto dili mabalda sa mga kabanha sa politika.

"Ang atong panglantaw mao nga mahimo ang Pilipinas nga anaa na mag-umbaw sa First World status sa mosunod nga 20 ka tuig kanus-a makubsan na gyod og maayo ang kakabus, magmugna og usa ka himsog nga middle class ug makabaton sa mga ilhanan sa usa ka moderno nga katilingban uban sa lig-on ug permanente nga mga institusyon. Diha sa paglig-on sa atong institusyon, ang kagahob sa politika dili makababag sa atong tahas," ang Presidente miingon.

Ang MDG nakabase sa United Nations Millennium Declaration ug kini giduso sa 192 UN member-states sa tuig 2000.

Ang walo ka mga katuyoan sa UN-MDG mao ang pag-us-us sa kapobre ug kagutom, pagkab-ot sa universal primary education, pagpakaylap sa gender equality ug women empowerment, pag-us-us sa child mortality, pagpataas sa maternal health, pag-kontra sa HIV/AIDS, malaria ug ubang mga sakit; pagpatunhay sa environment sustainability, ug pagpalambo sa global partnership for development sa tuig 2015. (PIA-Southern Leyte) [top]

|«  prev  next  »|
DAILY NEWS LIST:
»Super mega regions to propel economic growth
»Comval boasts mother's lounge
»Comelec Mti to hold candidates' briefing and covenant signing
»Comval eyes rehab of prov'l roads
»Mango, jatropha plantations to sprout at Guinsaugon landslide area
»RCDC-8 holds 2nd regional cooperative summit
»Waray-Waray News: Matungod san ekonomiya
»Gov't positioned to meet its MDG commitments - PGMA
»President Gloria Macapagal-Arroyo's Speech during the Launching of the 2007 Global Millennium Development Goals Report and The Philippines Midterm Progress Report
»CES Board conducts strategic conversation with Region 8 administrators
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines