Cebuano News: Komentaryo: Pagtaas sa NFA sa presyo sa pagpalit ug humay
Southern Leyte (17 October) -- Ang presyo sa pagpalit ug humay sa National Food Authority kon NFA misaka ngadto sa P11 kada kilo gikan sa P10. Ang 10 porsyento nga pagtaas sa presyo sa pagpamalit alang sa humay subay sa pakigbisug sa Department of Agriculture alang sa pagtabang sa maayong produksyon ug mas daghang kita sa atong mag-uuma sa humay.
Ang bag-ong pagtaas sa presyo sa pagpalit ug humay makasaka sa kita sa mga mag-uuma ug siguradong maka-uswag sa ilang kakugi paghimo ug mas daghan, ilabi na nga gigamitan ug high-yielding hybrid seeds ug mas maayong kontribusyon, diin ang gobyerno andam sa pagsuporta kanila.
Si Presidente Gloria Macapagal-Arroyo nag-aprobar sa bag-ong presyo sa pagpamalit tubag sa yangongo sa mga mag-uuma alang sa mas taas nga presyo sa pagpalit sa NFA ug humay.
Matud pa ni Secretary Yap, ang mag-uuma magpadayon sa pag-angkon ug insentibong P0.25 kada kilo sa humay samtang ang kooperatiba sa mag-uuma makakuha ug dugang P0.25-a-kilo incentive kon sila magbaligya sa ilang produkto ngadto sa gobyerno.
Ang mga insentibo miabot ngadto sa P11.25 kada kilo ang presyo sa pagpamalit sa NFA alang sa humay gikan sa matag usa ka mag-uuma ug P11.50 kada kilo niadtong nagbaligya gikan sa farmer-cooperatives. (PIA-Southern Leyte) [top]
