Cebuano News: Dakong ganansya ang nakit-an sa pagtaas sa peso
By Teresita B. Cardenas
Manila (17 October) -- Ang Pilipinas dunay ganansya nga dako kaysa kadaot gikan ning taas na ang bili sa peso kontra sa dolyar sa United States.
Ang Bangko Sentral sa Pilipinas Deputy Governor Diwa Gunigundo naghimo ani nga pagtasal kay ingon niya nga ang pagkusog sa panalapi sa Pilipinas tilimadon og maayo alang sa pagkunhod sa pagburot sa salapi, maayo nga serbisyo ug dako nga kapanguhaan alang sa inprastraktora ug sosyal nga proyekto sa gobyerno.
Bisan pa ang peso nagtaas pero ningkunhod man ang kita sa atong local nga eksporter, nag ingon siya nga kini makatabang sa mga plano parehas sa pagdugang sa mga produkto ug himoon nga dako ang ilang kita.
"Mitoo ako nga ang pagtaas sa peso naghatag ug dako nga bintaha kay ang negosyo sa eksport dili man modepende sa presyo lamang, giingon niya didto sa Kapihan sa Sulo forum.
Iyang gidayag nga ang pagluya sa bili sa peso maghatag sa mga local nga eksporter bintaha sa presyo pero dili makatabang pagsulbad sa problema hinoon maghitso sila alang sa tigihay sa kalidad sa ilang mga produkto.
Kini hagit sa atong mga eksporter nga ayohon ang kalidad sa ilang produkto ug ila usab pauswagon.
Si Gunigundo nag ingon nga ang pagtaas sa panalapi sa :Pilipinas dili ulusahon kay kon isipon ang uban nga nasod ningtaas man usab ang ilang panalapi dili sama sa U.S.
Ang taas nga kita gikan sa Overseas Filipino Workers, ang eksport sa Pilipinas ug ang puhunan nga gikan sa langyaw nakatabang pagpataas sa peso kontra sa dolyar.
Ang nasudnon nga abut, ang puhunan gikan sa langyaw nga porpolyo parehas sa mga manggad nga tinipigan ug kasiguruhan hasta ang kaangayan nga puhunan sa tibuuk nga nasod ming tubo bisan og ang pagburot sa panalapi mikunhod.
Gilarawan usab ni Gunigundo ang tininuud nga baylo kada dolyar miabot Ph 46 ngadto sa Ph 48 na lamang. Ug kini ang sumbanan para ma ihap ang plano nga badyet para sa tuig 2008 tungud kay maluya karon ang ekonomiya sa U.S.
Ang pagluya nagpakunhod sa kinahanglan sa eksport sa Pilipinas para mahiangay sa paghinayhinay sa pagtubo sa peso.
Iya pang gidayag utro nga ang uban nga merkado makatagamtam usab ug pag bagsak sa ilang eksport ngadto sa U.S. (PIA Northern Samar) [top]
