Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 29 January 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << January 2022 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/10/18

Waray-Waray News: Gin-aaligar nga insidente ha Malacaņang gin-iimbestigaran han PAGC

Manila (18 October) -- Gindudumara na han Presidential Anti-Graft Commission (PAGC) en usa nga hul-os nga imbestigasyon bahin han gin-aaligar nga Oktubre 11 nga insidente ha Malacaņang sugad nga iginmando ni Pangulo Gloria Macapagal-Arroyo hadton Biyernes pa, siring ni Press Secretary Ignacio Bunye yana nga adlaw.

Iginpahayag ini ni Bunye kataliwan ig-otorisar hiya han Pangulo pagpasabot ha media han nagpapadayon nga imbestigasyon han PAGC ngada han gin-aaligar nga panhatag hin cash ha Malacaņang bisan kun mahugot niya nga gintitindugan nga waray opisyal nga pondo han Palasyo en ginbukalas para han nahisumat nga katuyu-anan.

Nagsiring hiya nga iginmando han Pangulo an imbestigasyon hadton Biyernes kataliwan mahibaro pinaagi hin mga report han media nga mayda mga magbabalaud ngan mga opisyales-lokal nga nag-admiter pakakarawat hin cash gifts han tumambong hira hin magkabulag nga mga katitirok ha Malacaņang hadton Oktubre 11, kundi ngatanan nangatadungan nga diri hira maaram han surok han mao nga pondo.

Nasayod hi Bunye nga gintikangan na ni PAGC chairman Constancia de Guzman an imbestigasyon usa ka adlaw kataliwan mahitabo an gin-aaligar nga insidente kundi waray hiya ig-otorisar nga igpahayag an mga detalye han imbestigasyon tungod han ka sekreto nga kina-iya han sugad nga mga imbestigasyon han PAGC.

"Matutok an imbestigasyon ngada han kun hin-o an naghatag han ginkukunsiderar nga cash gifts ngadto han mga kongresista ngan mga gobernador," sigun kan Bunye. "Waray bisan hin-o ha Malacaņang en basta-basta la makakapagawas hin bisan ano nga pondo nga waray igo nga igin-alutaga nga alokasyon ngan regular nga auditing nga mga proseso.

Siring ni Bunye nga an rason kun kay-o nga waray na pagtitingog an Pangulo bahin hini nga isyu en tungod nga iya na iginmando en lagidgid nga imbestigasyon bahin hini nga butang.

"Karuyag han Pangulo Arroyo nga mahibaru-an han PAGC kun hin-o an surok han mga pondo ngan kun ano an ginhihimo hini ha Malacaņang durante hin opisyal nga okasyon," dugang pa ni Bunye.

Nagsiring hi Bunye nga sususihon gihapon han mao nga imbestigasyon kun mayda ba nahidadabi nga panhukip ngan ha para ano nga rason.

Sumala kan Bunye, hi Pampanga Gov. Ed Panlilio ngahaw ngan iba nga mga personalidad nga nga namag-admiter nagpakakarawat hin cash en ngatanan nagsaysay nga an ira mga nakarawat en diri hukip.

Ngatanan ha ira en nagsiring gihapon nga ira ginkarawat an cash gifts kundi waray ka lakip nga ano man nga direktiba mahitungod ha kun ano an ira bubuhaton kabalyo han salapi.

Bahin naman han mga akusasyon nga ini nga mga gin-aaligar nga cash gifts en ginpanhatag ngadto ha mga puno ehekutibo-lokal ngan mga magbabalaud agud makabulig ha pagduso hin ginkukunsiderar nga maluya nga impeachment complaint kuntra han Pangulo ha Kongreso ngan ha sugad hini, mapanalipdan hiya kuntra hin dugang pa nga mga pitad pagpukan ha iya, sigun kan Bunye en diri rasonable ngan diri ginkikinahanglan.

Siring ni Bunye nga waray sapayan kun usa nga maluya o makusog nga impeachment complaint en igsasalawad kuntra han Pangulo ha Kamara de Representantes, tungod nga mga 30 la nga mga kongresista an masupurtar hini dara nga mayoridad han mga kongresista en kaalyado han Pangulo.

Ginpatin-aw ni Bunye nga 80 nga mga botos an ginkikinahanglan agud mahipasa han Kamara an impeachment complaint kuntra han Pangulo ngadto ha Senado, nga diri daw makakab-utan han oposisyon tungod nga pinakadamo na an 30 nga mga botos nga makokolekta hini. (PIA) [top]

|«  prev  next  »|
DAILY NEWS LIST:
»Local governments, police celebrate Children's Month
»DAR's 2nd annual enhancement seminar focuses on administrative justice
»ICOT Park in Leyte welcomes 1st locator
»4 ICT-based SMES locate at ICOT Park technology business incubator
»PGMA's Speech at Camiguin 28th Lanzones Festival
»PAGC investigates alleged Palace incident
»PGMA allocates P20-M for Camiguin's development
»President graces opening of 28th Camiguin Lanzones Festival
»Malacaņang declares Oct. 29 a special non-working holiday
»PGMA to distribute land patents in Sarangani
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines