Manila (18 October) -- Ang Malakanyang mideklara sa Oct. 29, adlaw nga Lunes, ingon nga usa ka espesyal nga non-working holiday sa tibook nasud alang sa hiniusa nga Barangay og Sangguniang Kabataan (SK) nga pinili-ay.

Sumala sa Proclamation No. 1403, nga gipirmahan ni Presidente Gloria Macapagal – Arroyo kaniadtong Martes, Octobre 16, nag-ingon nga "importante kaayo sa paghatag sa mga katawhan sa kinatibuk-an sa pag-apil sa gihinganlan nga pinili-ay og pag-ensayo sa ilang katungod sa pagpili."

Ang Commission on Elections (COMELEC) nag-ingon nga 51,376,318 ka mga botante nga narehistro – 48,221,863 alang sa barangay og 3,154,455 alang sa SK nga pinili-ay – ang gipa-abot nga mopadulong sa 238,486 ka mga presinto nga namontar alang sa Oktobre 29 nga pinili-ay.

Ang mga botante gipa-abot nga magpili sa kinatibuk-an nga 671,120 ka barangay og SK opisyales sa 41,945 ka mga barangay sa tibook nasud.

Ang hinusa nga barangay og SK nga pinili-ay gibase sa bag-o nga na-amendar nga Acta Republika Numero 9340, nga gi-aprobahan kaniadtong Septembre 22, 2005 sa ika-13 nga Kongreso sa Pilipinas diin kini gibungat nga ang gika-ingon nga pinili-ay pagahimo-on sa kinatapusan Lunes sa Oktobre 2007 og sa sumusunod nga pinili-ay human sa tulo ka tuig.