Manila (18 October) -- Si Presidente Gloria Macapagal-Arroyo miingon nga ang Local Peace and Security Assembly (LPSA) diin kini natapos kagahapon, Oktobre 17, 2007, naghimo sa mga katawhan sa paghisgot sa mga isyu, pag-ambit sa mga kasinati-an, paghimo og mga plano, og paghiusa sa mga nalambigit nga katawhan kalabot sa kalinaw og kaugmaran diha sa rehiyon.

Sa iyang pakigpulong, ang Presidente nagtumbok sa katungdanan sa mga katawhan aron sa pagpadayon sa kalinaw og kaugmaran diha sa rehiyon. Ang Presidente usab midasig ang mga partisipante sa asembliya aron sa pagkat-on gikan sa pinaka-maayo nga kahimoan sa ubang probinsiya og ubang mga rehiyon aron sa pagkab-ot og kasagaran nga tumong – ang kalinaw.

Si Presidente Arroyo usab miingon nga ang kalinaw nga asembliya mao ang pinakamaayo nga inisyatibo og modelo nga ang gidumala sa Caraga tungod kay ang Caraga Region usa sa mga pinaka-malinawon nga rehiyon sa tibook nasud.

"Ang Caraga usa ka labing malinawon nga rehiyon sa tibuok nasud. Busa gihimo nato kining atong conference alang sa kalinaw og kaugmaran aron mahibalo ang tibuok nasud kung unsa'y nahimo diri sa Caraga para mapahingusgan ang kalinaw," matud niya.

Hinoon, ang Presidente miingon nga gi-ila nga usa sa pinakamalinawon nga rehiyon, ang mga Caraganon walay rason nganong dili magma-igmat.

"Ang hulga sa silingan nga mga rehiyon mahimo usab nga mahitabo dinhi sa Caraga. Mao nga kinahanglan nga kita mabinantayon tungod kay ang pagbantay sa sulod mao ang presyo sa malahutayon nga kagawasa," matud pa ni Pres. Arroyo.

Ang Presidente usab miingon nga sa daghang mga katuigan, ang kumunista nga mga rebelde nagpabilin nga ubos ang kahimtang nga hulga sa nasud. Tungod niini, ang Presidente miingon, nga adunay daku nga kahigayonan nga kita makasulbad sa rebelyon nga mga problema pinaagi sa malinawon nga paagi. "Ug unsa ang atong buhaton karon mao ang pagsulbad sa problema," matud pa sa Presidente.

Kalabot niini, ang Presidente nanawagan sa tanan nga mga katawhan nga nalambigit alang sa kusog nga komitment og dedikasyon aron mapadayon ang kalinaw aron sa pagkab-ot dili lamang sa Caraga Region kondili sa tibook nga nasud, usab.