By Rodrigo S. Victoria

Manila (23 October) -- Si Presidente Gloria Macapagal Arroyo niadtong Biyernes mipaabot sa iyang dako nga kasubo sa makusog nga pagbuto nga mitay-ug sa Glorietta 2 shopping mall sa Makati City nga mibiya sa dili mokubos ug walo ka mga tawo ang namatay ug miangol ug 67.

"Ang Presidente dako ang kasubo sa insidente ug mipaabot sa iyang simpatiya ngadto sa mga pamilya sa mga nanga-angol," matud pa ni Presidential Spokesman ug Press Secretary Ignacio Bunya.

Siya nagkanayon nga ang Presidente nagmando usab sa Philippine National Police (PNP) " sa pagkuha sa pinaka-ilawom sa mga butang ug sa pagbiya nga walay mahimo."

Si Presidente Arroyo usab nagmando sa Department of Social Welfare and Development (DSWD) sa pagpaabot sa tanang posible nga tabang ngadto sa mga biktima aron sa paghaw-as sa ilang kaguol.

Si Bunye nagkanayon nga ang Presidente ang "dako ang pagkabalaka mahitungod sa insidente ug siya nagmando sa tanang hingtungdan nga mga ahensya, partikular ang DSWD sa paghatag sa ensakto nga tabang ngadto sa mga biktima."

Siya usab miapelar ngadto sa publiko sa paghawan sa nahitabuan sa pagbuto aron ang mga otoridad makahimo sa hugot nga imbestigasyon sa maong insidente.

Si Bunye usab miapelar ngadto sa tanan sa paglikay sa paghimo ug mga espekulasyon sa mga sirkumstansya luyo sa pagbuto sa Glorietta Mall ug sa paghulat sa opisyal nga taho sa kapulisan.

Si PNP Deputy Director General Avelino Razon sa sayo pa nagkanayon nga ang pagbuto "posible nga tungod sa bomba."

"Gikan sa atong pagtan-aw, kini dili ang unang nahitaho nga LPG (liquefied petroleum gas). Kini usa ka bomba," matud pa niya.