Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 29 January 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << January 2022 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/10/23

Waray-Waray News: UN iimpormaran ni Ermita bahin han kanan nasud mga panlimbasog pagtratar han extra-judicial killings

Manila (23 October) -- Ginpagikan ni Pangulo Gloria Macapagal-Arroyo hi Executive Secretary Eduardo Ermita ngadto ha New York agud personal ma-impormaran an mga opisyales han UN bahin han kanan iya administrasyon mga panlimbasog ha pagtratar han extra-judicial killings ha nasud.

Hi Ermita nga ginikan kasanggab-i ngadto ha Estados Unidos, amo an chairman han Presidential Human Rights Committee (PHRC) nga ginporma han Pangulo hadton Disyembre 2006 agud " magserbe nga panguna nga tagsagdon nga lawas ha Pangulo dida hin epektibo nga pagtratar han ngatanan nga mga butang ngan isyu may kalabutan han mga katungod pantawo dinhi ha nasud."

Magpapabilin hiya ha US sakob hin usa ka simana.

Inabot ha nasud han naglabay nga Pebrero hi UN special rapporteur Philip Alston ngan nagpabilin dinhi sakob hin napulo ka adlaw agud magdumara hin imbestigasyon bahin han nasabi nga mga panmatay. Ginlala-uman nga magsusumiter hi Alston han resulta han iya imbestigasyon ngadto ha UN ha gilayon nga panahon.

Tungod han kan Mr. Alston tidaraon nga pagsumiter hin usa nga UN report bahin hini nga butang, nagdisider an Pangulo duha ka simana an naglabay, pagpadara kan Ermita sugad nga Chairman han Presidential Human Rights Committee (PHRC) ngadto ha New York agud personal ma-impormaran an mga opisyales han UN bahin han mga paningkamot han gobyerno ha pagtratar han situasyon ngan maipasantup ha ira an kanan gobyerno determinasyon ngan dedikasyon ha pagtratar han ngatanan nga mga porma hin pagtalapas han mga katungod pantawo, ilabi na tungod nga na-eleher an nasud ngadto han UN Human Rights Council," siring ni Bunye.

Hi Ermita ngan hi Commission on Human Rights chair Purificacion Quisumbing en ngaduha nagmamangulo han delegasyon han Pilipinas ngadto ha UN. Ginpili han Pangulo hi Bunye sugad nga acting executive secretary ha panahon nga waray ha nasud hi Ermita.

Damo na nga mga kaso an iginsalawad han gobyerno kuntra hin mga suspetsado hin extra-judicial nga mga panmatay, samtang mahugot nga gin-aalinsusunod adton mga tawo nga nahilalambing ha mga panmatay hin mga tag-inforsar han balaud.

Ginlala-uman hi Ermita ngan hi Quisumbing nga mag-iimpormar han mga opisyales han UN bahin han resulta han Melo Commission, an komisyon nga ginporma han Pangulo agud magdumara hin imbestigasyon han mga panmatay.

Subay han mga rekomendasyon han Melo Commission, gin-umentuhan han gobyerno an alokasyon para han witness protection program ngan nag-otorisar hin panngimpleyo hin kadugangan pa nga mga piskal.

Nakighiruhimangraw na gihapon an Pangulo ha mga mamahayag ngan human rights activists ngan nagmando han pagtukod hin lain la nga mga korte agud mapadagmit an prosekusyon han mga kaso nga may paghidabi han pagtalapas han mga katungod pantawo ngan extra-judicial nga mga panmatay.

Labut la han pagpakusga han victim assistance program, naghatag gihapon hiya hin otorisasyon para madugngan an pondo para han panngimpleyo hin kadugangan nga mga imbestigador.

An komisyon en pinanngunguluhan han retirado nga Supreme Court Justice Jose Melo. (PIA) [top]

|«  prev  next  »|
DAILY NEWS LIST:
»OFW remittances contribute to peso's appreciation BSP
»Biz players espouse consolidation
»Best practices, success stories among BIMP-EAGA's untold secrets
»ASEAN plays key support role in BIMP-EAGA
»BIMP iCon tackles EAGA's new direction
»54IB returns from retraining in NCR
»Anti-poverty group meets to reduce poverty incidence in Region 8
»Cebuano News: PNOC-EDC biddings naghashas sa 14 ka mga kompaniya
»Cebuano News: P80 bilyones mga kabtangan sa gobierno ibaligya
»Commentary: National unity vital in RP crusade vs terrorism
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines