Cebuano News: P80-B propriedad sa gobyerno giandam para ibaligya
By Lanie Pitao-Tupaz
Manila (23 October) -- Ang Department of Finance kon DOF miila na sa pipila ka mga propriedad sa gobyerno nga mokabat sa P80 bilyones nga puwede ibaligya sa sunod nga tuig aron makab-ot nga tinguha sa pagbalanse sa budget sa gobyerno.
Kini nga mga propriedad mao ang Holdings sa San Miguel Corporation; Holdings sa Manila Electric Co. (Meralco); Holdings sa Philippine Natinal Oil Co.-Exploration Corp. (PNOC-EC); Food Terminal Inc.; propriedad sa New Bilibid Prison; ug ang propriedad sa Fujimi sa Japan.
Ang DOF padayon pa gihapon sa pagtan-aw kung unsa mga mga propriedad sa gobyerno ang angay nga ibaligya aron makadugang sa kita sa gobyerno ug aron usab mapauswag ang serbisyo pinaagi sa pagbaligya niini sa mga pribado nga mga tag-iya.
Ang gobyerno namaligya na sa mga propriedad sa gobyerno niini nga tuig aron masapungan ang kakulangan sa koleksyon sa Bureau of Internal Revenue kon BIR ug sa Bureau of Customs kon BOC ug sa ingon mapadayon ang tinguha sa gobyerno nga mabalanse ang budget kutob sa tuig 2008. (PIA Biliran) [top]
