Cebuano News: 14 mga kompanya desidido mopalit sa PNOC-EDC
By Lanie Pitao-Tupaz
Manila (23 October) -- Aduna nay 14 ka mga kompanya nga kwalipikado na sa pag-apil sa bidding sunod buwan sa 6 billion common shares ug 7.5 billion preferred shares sa Philippine National Oil Co.-Energy Development Corp. (PNOC-EDC).
Kini nga mga kompanya mao ang San Miguel Corporation, Aboitiz Power, First Gen, Gotianun-owned Filinvest Development Corp, Alcantara-owned Alsons Consolidated Resources, One Energy Ltd., Marubeni Corp., Sumitomo Corp., Basic Energy Corp., Ashmore Energy, Beleggingsmaatchappij Broem B. V., Geysir Green Energy Ltd., International Power Plc., ug Reykjavik kinsa puwede na mipadayon pag-apil sa auction.
Kini nga mga gihatagan sa kwalipikasyon sa pag-apil sa auction gipili pinaagi sa Privatization Committee nga gipangulohan ni Antonio Cailao.
Kini sila nga mga kompanya nakita nga adunay kakayahan pag-finance sa mga proyekto sa gobyerno tungod kay aduna silay propriedad o kapitalisasyon nga dili mokubos sa $100 milyones diin kini sila mipresentar ug kasulatan gikan sa kwalipikado usab nga investment-grade bank kinsa mihatag sa kaseguroan nga sila adunay kakayahan pagpondo sa mga proyekto nga dili moubos sa $100 milyones. (PIA Biliran) [top]
