Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 17 August 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << August 2022 >> 
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/10/24

Waray-Waray News: PGMA: Papakusogon san gobyerno an mga pitad pan seguridad, mga programa pag ato sa kapobrehan

by Ailene N. Diaz

Catarman, Northern Samar (24 October) -- Si Presidente Gloria Macapagal Arroyo nagsugad kahapon nga an anti-terrorism nga mga stratehiya ngan iba pa nga pitad panseguridad in huhugotan para masiguro an seguridad san mga tawo matapos an pag putok nga natabo sa Glorieta.

Sa pareho nga bahin, an Presidente nagpahimatngon ngadto san mga kaaway san gobyerno nga sira nagsasala kon sira naghuhuna huna nga an Filipino natuyang ngan naabuyon san kanra mga ginbubuhat nga pantarhog san mga tawo ngan sa nasud na mismo.

"Rerepasuhon naton an kampanya kontra terorismo ngan iba pa nga programa pan seguridad," an Presidente nagsugad dida san kanya pan-una nga pahayag sa National Security Council (NSC) Cabinet meeting sa Aguinaldo State Dining Room sa Malacanang kahapon nga aga.

Si Presidente nagsugad nga an kapabilidad san polis ngan pwersa armada kontra terorismo in papakusgon, kabulig san gobyerno tinguha pag-undong san mamurayaw nga resulosyon san mga uru-aragway ngan saramok.

Ginkikinahanglan nga an mga tawo, pwersa armada, polis ngan an gobyerno in magkasarayo para san tinguha san nasud nga makab-ot an pagkasarayo, sugad niya, ngan dugang nga nagsugad nga an nasud in magpapadayon san makusog nga pakikisayo ngan partnership san iba nga nasud.

Siya nananawagan san tagsa nga Pilipino nga magkasarayo ngan magtrabaho para sa kauswagan, kamurayaw ngan karig-on. " Magburungyod kita san pag tuon san dalan tikadto sa kauswagan, kamurayaw ngan kasarig san nasud ngan mas maupay nga panginabuhi san tagsa nga Pilipino. Na uswag na an Pilipinas, ayaw ta tuyangi nga mapudngan kit.

"Bisan nga wara pa matapos an imbistigasyon san pag atake sa Glorietta, importante nga himuon ta in mga pitad para masiguro an seguridad san nasud," sugad san Presidente.

An President nagsugad, nga kabulig san paghugot san mga pitad pansiguridad, an gobyerno in magpapakusog san implementasyon san mga programa pag undong san agrikultura bilang key component san inisyatibo san gobyerno kontra kapobrehan.

Sugad niya, iya gintawag dayon sin meeting an Anti-Poverty ngan Economic Development Cabinet groups matapos an NSC-Cabinet meeting para diskusyunan an mga programa san gobyerno sin pag develop dos milyones hektaryas sin agricultural lands ngan maghimo sin dos milyones nga bag-o nga pantrabahuan.

Labot san dos milyones nga bag-o nga agriculture-related jobs, an Presidente nagsugad nga an Department of Labor and Employment naglunsar san kanra kalugaringon nga inisyatibo para magbulig san Overseas Filipino Workers (OFWs) para maka lanat san yana nga pagkusog san peso sa Pilipinas.

Ini nga mga inisyatibo kaapi na an "sunod sunod nga Bangko Sentral investment incentives ngan mga programa para san overseas Filipino nga remitans nga maipuhonan ngadto sin capital interprises," sugad san Presidente.

An Presidente nagsugad nga iya ginmanduan an cabinete nga siya pirmi impormaran san mga pitad nga ginbubuhat sa gobyerno bahin pan seguridad ngan katungod san tawo ngan iba pa nga mga programa san administrasyon para maibsan an kapobrehan labi na sa mga buro bungto. (PIA- Northern Samar) [top]

|«  prev  next  »|
DAILY NEWS LIST:
»Feature: Zambo OTOP supports best
»Ferry passengers have an option with new Benit RORO
»Balik Naval International 2007 medical mission serves 3,000 patients
»Cebuano News: Padayon ang pagtubo sa export pang-agrikultura sa Pilipinas
»Cebuano News: Mga kandidato giawhag nga mosunod sa balaud nga gilatid sa Comelec
»Commentary: Unity of all sectors imperative for nation's peace, emancipation from poverty
»Cebuano News: DTI-Biliran nagpahigayon ug consumer group orientation
»Cebuano News: DENR naglunsad sa kampanyang "Bantay Ibon" aron paglikay sa bird flu
»Cebuano News: Comelec mokuha ug non-teachers nga mosilbi isip board of election tellers
»NSO requires marriage solemnizing officers to attend seminar
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines