Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 29 January 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << January 2022 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/10/24

Waray-Waray News: Lederes san Barangay karuyag sin dagmit nga ratipikasyon san Senado san ginsabutan parte ekonomiya ngadto san JPEPA

by Ailene N. Diaz

Catarman, Northern Samar (24 October) -- An Japan-Philippines Economic Partnership Agreement (JPEPA) nga ginpirmahan nira Presidente Gloria Mcapagal Arroyo ngan dati Japanese Prime Minister Junichiro Koizumi durante san ika unom nga Asia-Europe Meeting sa Finland sadto nga Septyembre 2006 in nakakarawat sin makusog nga pag-undong san mga lederes san mga barangay sa nasud.

An Liga ng mga Barangay nga ginpangunahan san presidente sini nga si James Marty Lim, pinaagi sin resolusyon nagpahayag sin suporta kan Presidente Arroyo, nag-apelar san senado para sin dagmit nga ratipikasyon san ginsabutan parte pan ekonomiya ngadto san Japan, ngan nagsugad nga ini makaka abre sin bag-o nga portahan para sin oportunidad pan ekonomiya ngan makaka iban san kapobrehan labi na dida sa mga barangay.

Sa resolusyon nga ginpasa durante san diri pala maiha nga National Liga Board meeting sa Manila, an mga opisyales san barangay in nagpahamtang san ira "bug-os nga suporta san pagpirma sa JPEPA san Presidente," ngan nag-apelar para sin dagmit nga ratipikasyon san Senado san Pilipinas.

An mga lederes san baranagay nasugad nga basi san pag studyo nga ginbuhat san Department of Trade and Industry (DTI), nga nanguna san pakigsabot san Japan, an Pilipinas in makakaganansya sin maabot 222 bilyones ka pesos sa Japan foreign direct investments sa sulod san tulo ka tuig san pag ratipikar san nasabi nga ginsabutan o tikang 2007 abot 2010.

Resulta sini, an mga lederes san barangay in positibo ngan naglalaum nga ini magreresulta sin pakahikom sin 330,000 mil nga trabaho nga diin, makakatikang sin pag kuha sin mabot 32 bilyones ka pesos sin kita san buwis.

Ini nga mga lederes san barangay, naka imud nga an Japan an dako nga kinukuhaan san FDIs ngan official development assistance (ODA) labot san pagiging ikaduha nga tidadakoi nga trading partner.

"Ini nga nasabi nga mga benepisyo nga makukuha san nasud tikang san JPEPA in seguro nga makakabulig san presente nga sitwasyon san ekonomiya ngadto san paghitas ngan nakaka iban san kapobrehan san kadam-an san populasyon," ini an nakasurat san resolusyon.

Temprano pa yana nga bulan, an Malacanang naghimo sin inter-agency task force nga ginkomposo sin 18 nga ahensya san gobyerno para makaghatag sa Senado sin ginkikinahanglan nga inputs ngan madagmit ngan maiha nga benepisyo ngan bentaha nga makukuha san nasud tikang sini nga ginkasabutan.

Sa ilarum sa JPEPA, an Pilipinas in makakuha sin maupay nga access diri la ngadto sa Japanese agriculture ngan iba pa nga merkado pero hasta liwat an Tokyo's financial services.

An Hapon liwat in matuyang sin pagsulod sin durudamo nga Pilipino nga professionals, kaapi na an doctors, nurses ngan caregivers.

An gobyerno sa Hapon naghatag sin seguridad nga an Japan in diri pagtatapok rigsok o toxic wastes sa Pilipinas, ngan paghatag kaklarohan san diri ungod nga alegasyon ngan spekulasyon matungod san JPEPA. (PIA Northern Samar) [top]

|«  prev  next  »|
DAILY NEWS LIST:
»Feature: Zambo OTOP supports best
»Ferry passengers have an option with new Benit RORO
»Balik Naval International 2007 medical mission serves 3,000 patients
»Cebuano News: Padayon ang pagtubo sa export pang-agrikultura sa Pilipinas
»Cebuano News: Mga kandidato giawhag nga mosunod sa balaud nga gilatid sa Comelec
»Commentary: Unity of all sectors imperative for nation's peace, emancipation from poverty
»Cebuano News: DTI-Biliran nagpahigayon ug consumer group orientation
»Cebuano News: DENR naglunsad sa kampanyang "Bantay Ibon" aron paglikay sa bird flu
»Cebuano News: Comelec mokuha ug non-teachers nga mosilbi isip board of election tellers
»NSO requires marriage solemnizing officers to attend seminar
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines