by Flor Jackson

Manila (25 October) -- Sa pagtigaman sa anibersaryo sa United Nations, and Presidente naghatag ug ka-mahinungdanon sa pag protehir sa katungod sa tawo o kon human rights sa tanang mga bodies sa gobyerno ilabi na ang pag address ug pag pugong sa mga violations sama sa activist ug media killings.

Kawhaan ug duha ka tuig na ang naglabay sukad sa 2nd World War, si Presidente Gloria Macapagal-Arroyo nagmantala diha sa iyang mensahe ug siya nag-ingon nga ang Pilipinas maoy usa sa mga nasud nga unang ning lihok pag establisar sa United Nations uban na ang pag-ila sa inalienable rights sa tanang mga miyembro sa human family.

Dugang pa nga giingon ni Presidente Arroyo nga sa pagkakaron gisubli ang commitment sa nasud pag promote ug pag protehir sa human rights komo miyembro sa UN Human Rights Council ug sa State Party sa mokabat ug sobra 10 ka mga international human rights instruments.

Matod pa ni Presidente nga ang mga ahensya sama sa PNP, Armed Forces, Department of Justice, CHR ug ang mga korte sa nagpahigayon sa ilang mga katungdanan sa pag protehir sa katungod ug pagdala sa nakasupak sa katungod sa tawo ngadto sa hustisya.

Si Arroyo nagpahinumdum sa Armed Forces sa pagbarog sa ilang Constiutional mandate komo mga protektor sa katungod sa mga tawo.

Iyang otro nga gibalik ang iyang mando ngadto sa military ug sa police nga aktibo nga pugngan ang human rights violations nga binuhatan sa mga pasaway nga mga men in uniform.

Sayo pa niining buwana, ang Presidente nag hatag ug instruction ngadto sa security ug law enforcement forces sa wala'y kapin kabubut-on sa paghimo ug aktibo nga lakang aron pagseguro nga ang tanang mga miyembro sa armadong pwersa makasabot kung unsa ang buot ipahunob sa extrajudicial killings, nga kini dili kabahin sa bisan unsang palisiya sa nasud ug nga kini hugot nga gidili sa balaug ug palisiya.

Ila usa'ng imbestigaron ang tanang mga reklamo sa posibleng mga human rights violations nga gihimo batok sa mga sundalo, mga pulis ug officers ug strikto nga I-apply ang due process sa balaud uban ang pag respeto ngadto sa ilang kaugalingon nga katungod pantao.

Ang president nagpahayag ngadto sa Kongreso sa ka mahinungdanon sa pagpasa ug balaudnon aron pag lig-on sa paningkamot batok sa killers sa mga activista ug media practitioners. Diha sa LEDAC (Legislative Executive Development Advisory Council) meeting sa buwan sa Agosto niining tuiga, siya nag-aghat sa kongreso sa pagpasa ug balaudnon mahitungod sa mas hugot nga penalidad sa mga perpetrators ug usab strickto nga penalidad ngadto sa mga pasaway nga men in uniform.