Cebuano News: PGMA mipasidungog sa napulo ka best policewomen sa nasud
By Dennis Garay
Manila (26 October) -- Si Presidenti Gloria Macapagal–Arroyo mipasidungog kagahapon sa outstanding policewomen sa Philippine National Police (PNP) kinsa may talagsaong katakus ug daghang accomplishements sa natad sa pamolis sama sa law enforcement, public safety, criminal justice ug community relations.
Ang presidenti nanguna sa pag panghatag og medalya sa napulo ka Outstanding Policewomen of the Philippines sa usa ka yano nga seremonyas kagahapon sa Rizal Hall sa Malakanyang.
Ang mga nag pakadawat sa pasidungog mao sila si Police Senior Inspector Rosalinda Abellon (Negros Oriental Police Regional Office –PRO- 7), Insp. Ma. Bella Rentuaya (Biliran PRO 8), Chief Insp. Janet Homo (Health Service), PO3 Annaliza Cotiangco (PRO 13), PO2Mary Jane Dalumay (Peñablanca PRO 2), Chief Insp. Madeline Cacao (PRO 10), PO3 Lize Jane Alteza (Iriga City PRO 5), SPO2 Ramonita Pajanostan, PO2 Jaidee Lunggami (PNP SAF) ug Supt. Ligaya Cabal (Crime Laboratory Group).
Gawas sa mga medalya, ang mga honorees midawat usab sa cash incentive gikan sa Zonta Club of Makati diin naga sugod sa tinu-ig niining search niadtong pang 2002 isip pag-ila sa ka mahinungdanon sa policewomen isip ka tambayayong sa kalalakin-an sa institutional transformation sa nag-unang law enforcement agency sa nasud. (PIA-ZN) [top]
