Cebuano News: Fil-Am group sa US padayon ang suporta sa Pilipinas
Manila (26 October) -- Ang Philippine-American Chamber of Commerce, usa sa pinakalig-on nga grupo sa mag-papatigayon sa Estados Unidos sukad niadtong tuig 1920, mipadayon sa ilang pagsuporta sa Pilipinas ug sa katawhang Pilipino taliwala sa panghitabo didto sa Glorietta sa Lungsod sa Makati.
Sa ilang hini-usang mensahe, si Butch Meily ug Richard Rosenberg, Presidente ug Tsirman sa maong grupo, mi-awhag sa mga magpapatigayon sa nasud ug sa Estados Unidos nga mopadayon ug butang sing puhonan sa Pilipinas bisan tuod sa panghitabo nga naka-angol ug 11 ka tao ug misamad sa laing kapin sa dosena.
Si Meily ang kasamtangang ehekutibo sa Philippine Long Distance and Telephone Company (PLDT) samtang si Rosenberg presidente sa Data Symmetry.
"Misalig kami sa Pilipinas ug sa iyang kaugmaon, sa kalig-on sa ilang ekonomiya ug ang kapabilidad sa katawhang Pilipino, ug mi-awhag kami sa mga magpapatigayon nga padayunon ang ilang pagpundo sa nasud"; sila nagkanayon. (PIA Bohol) [top]
