Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 17 August 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << August 2022 >> 
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/10/30

Cebuano News: Alternative fuels program ni PGMA suportado sa mga umahan sa tuba-tuba sa Negros

By Rodrigo S. Victoria

Manila (30 October) -- Ang katuyuan ni Presidente Gloria Macapagal-Arroyo sa paghimo sa nasud nga independente gikan sa gawas sa nasud sa krudo nga lana nakakuha sa mas gikinahanglan nga suporta gikan sa pagpalambo sa mga plantasyon sa jatropha sa probinsya sa Negros Oriental.

Sa susamang higayon, ang pagpalambo sa mga plantasyon sa jatropha ang makaumol usab ug bag-ong mga trabaho sa kalungsuran, ang lain nga katuyuan sa Presidente aron sa pagpalambo sa mga kinabuhi sa mga tawo.

Diha sa iyang pag-abot kagahapon sa udto, ang Presidente gihatagan ug pagpahayag ni kanhi Representante sa Negros Oriental nga si Herminio Teves mahitungod sa Tamlang Valley Jatropha Plantation diin may 50,000 ka ektarya sa pribado nga kayutaan ang gitamnan ug jatropha sugod niadtong milabay nga Hulyo pinaagi sa pakigtambayayong sa Department of Environment and Natural Resources (DENR).

Ang jatropha nga giila nga tuba-tuba ang dako kaayo nga tinubdan sa biodiesel.

Ang plantasyon sa jatropha naglakip sa mga lungsod sa Siaton, Sta. Catalina, Sibulan ug Pamplona samtang ang galingan sa pagkuha sa lana sa jatropha ug turbine generator gidesinyo sa Vyncho Company sa Belgium ug gigama sa China ang ipahamutang sa lungsod sa Siaton, matud pa ni Teves.

Ang planta magsugod sa operasyon sa 2009 alang sa may 25,000 ka ektarya nga plantasyon, unom ka adlaw matag semana nga operasyon, 47 ka semana sa usa ka tuig.

Si Teves mipahibalo sa Presidente nga ang power generator makahimo sa paggama ug may 20 MW nga kuryente sa duha ka tuig o sa tuig 2009.

Sa ingon ani, ang Presidente nagkanayon nga mao kini ang makahulip sa parte sa 100 MW nga kakulangan sa kuryente sa Visayas sa 2009.

Ang Presidente usab mihatag ug importansya sa galingan ug turbine generator ug ingon man sa pagtukod sa mga kalsada paingon sa umahan sa maong dapit, diin siya nag-ingon kang Teves sa pakigtambayayong sa Department of Agriculture (DA) aron ang maong ahensya mogahin ug mga pondo.

Sa pagkakaron, ang gipunting nga dapit alang sa plantasyon sa jatropha sa probinsya, may mga 391 ka ektarya ang gitamnan na sa mokabat ug 800,000 ka tanom sa jatropha.

Si Teves nagkanayon nga mokabat pa ug duha ka tuig alang sa tanom nga jatropha nga makaani ug mga liso nga kakuhaan sa lana.

Ang paningkamot sa pagkakaron nakaumol na ug 302 ka mga trabaho alang sa mga residente sa Tambang Valley.

Ang Negros Oriental ang naa sa unahan sa pagtambayayong sa mga paningkamot sa gobyerno alang sa supesyente nga enerhiya ilabi na sa geothermal ug biofuels (alternatibo nga mga lana gikan sa jatropha ug tubo) diin ang probinsya abunda niini nga mga tinubdan.

Ang Presidente gikatakda nga mopahigayon ug aerial nga pag-inspeksyon sa plantasyon sa jatropha apan ang dili paborable nga panahon ang nakapakgang sa iya sa pagtan-aw sa plantasyon sa jatropha sa Tamlang Valley. (PIA-Biliran) [top]

|«  prev  next  »|
DAILY NEWS LIST:
»Bugasong promotes sports tourism
»Protesting Sumilao lady farmer hospitalized in Leyte
»Consumer welfare month celebration highlights basic rights of consumers
»Synchronized elections generally peaceful in Leyte
»President joins Filipino voters in choosing new barangay officials
»PGMA's alternative fuel program gets support from Negros tuba-tuba farms
»Highlights of President Macapagal-Arroyo's speech at the First International Conference on Integrated Taxation
»El Shaddai, Iglesia back PGMA's pardon of 'Erap'
»PGMA assures no new taxes as she underscores need to enhance tax administration
»New technology to bolster realty tax collections of local governments
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines