by Flor Jackson

Manila (31 October) -- Ang Catholic Bishops Conference of the Philippines kon CBCP wala mabahin sa isyu sa paghatag ug pardon ngadto kang fomer President Joseph Estrada.

Gani, kadaghanan sa mga Catholic bishops nakontento ug ning respeto sa desisyon ni Presidente Gloria Macapagal-Arroyo sa paghatag ug executive clemency ngadto kang Estrada.

Diha sa usa ka joint statement, si Tuguegarao Archbishop Diosdado Talamayan, Bishop Rodolfo Beltran sa Bontoc-Lagawe ug Bishop Ramon Villena sa Bayombong nanghimakak sa estorya nga walay basihan nga ang CBCP nabahin sa maong issue. Ang pahayag nag-ingon nga ang gi-alegar nga pagkabahin usa lamang ka bana-bana batok sa tinuod.

Ang tulo ka obispo nag-ingon nga nahibaw-an sa tanan ug sa publiko nga ang CBCP nag abi-abi sa desisyon ug gani si Cebu Archbishop Ricardo Vidal ning duyog sa mga prominente nga mga citizens sa pag pangayo ug pardon alang kang Estrada isip lihok sa reconciliation.

"Si Archbishop Angel Lagdameo, ang sa pagkakaron presidente sa Catholic Bishops Conference of the Philippines, adunay lahi apan wala supaka nga pagpakabana: kini mao ang restorative justice. Kini maoy among baruganan ug walay ning supak sa maong baruganan," ang mga obispo ning ingon.

"Na obserbaran nga kadaghanan niadtong labihan ka banha batok sa paghatag ug presidential pardon supak niini tungod kay nag hingyap sila ug hustisya apan ila kining gitan-aw nga usa ka higayon sa pagdughit ni Presidente Gloria Macapagal-Arroyo."

Ang mga obispo nagpahayag nga gibuhat na ang hustisya ngadto sa former President tungod kay siya gidesisyonan na sa korte, na-prosecuted na ug na-convicto.

Ang mga obispo nag-ingon nga si Estrada ning admitar sa iyang sala sa pag pangayo ug executive clemency ug siya paingon na sa pagbalik ngadto mga items ug mga properties nga gimando sa Sandiganbayan.

"Ang restorative justice wala lamang mangahulugan nga restoration sa society nga nadaut pinaagi sa dili maayong buhat sa usa sa iyang mga miyembro, apan ang restoration usab sa offender aron sila dili mahigawas sa ilang kaugalingong komunidad," matod pa nila.

Gawas lang sa kini kabahin sa palisiya sa gobyerno sa pagpagawas sa mga na konbikto nga nag panuigon ug 70 anyos ug labaw pa, ang mga obispo nag-ingon nga ang pag hatag ug pardon mao'y usa ka isug ug dalaygon nga lihok sa reconciliation," ug sil nagdugang pa pag-ingon nga ang nasud dili maka tagam-tam ug kaayuhan sa katawhan nga nabahin."

"Komo mga obispo, among hingpit nga gipangayo nga buhaton ang hustisya. Nakontento kami sa pagbista ug conviction ni kanhi Presidente Joseph Estrada gibuhat nga ingon niana. Kami nag tuo nga siya mag bag-o kung unsa'y angay'ng bag-ohon, ug hugot kaming nagtuo nga siya tagaan ug higayon nga mahimong mabungahon nga molupyo sa atong katinlingban," hugot nila nga pamahayag.