Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 26 January 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << January 2022 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/10/31

Cebuano News: Taho ni Ermita sa sitwasyon sa human rights sa Pilipinas nakalipay sa United Nations

By Rodrigo S. Victoria

Manila (31 October) -- Si Executive Secretary Eduardo Ermita nagkanayon kagahapong adlawa nga ang iyang pinakabag-ong pagbisita ngadto sa Estados Unidos aron sa pagtaho sa sitwasyon sa mga tawhanong katungod sa Pilipinas sa United Nations ang gihatagan sa maong hugpong sa kalibutan ug maayong paglantaw mahitungod sa mga politikanhong pagpamatay sa nasud ug kung unsa ang naabot sa gobyerno sa Pilipinas bahin sa maong isyu sukad sa pagbisita sa UN special rapporteur nga si Philip Alston niadtong Pebrero ning tuiga.

Sa usa ka pakigpulong kauban sa media sa Malacaņang, si Ermita nagkanayon nga kini usa ka maayong balita alang sa Pilipinas ilabi na sa pagpasa na ni Alston sa iyang penal nga taho ngadto sa UN Human Rights Council sa Geneva sa bulan sa Pebrero sunod tuig.

"Ako naghuna-huna nga kita nakahimo ug gamay nga pagkaguol sa United Nations ilabi sa moabot nga Pebrero sa dihang ang kompleto nga taho ni Mr. Alston ang ipasa na. Ug nanghinaot nga sa tunga-tunga sa Pebrero ug Hunyo ang United Nations Human Rights Council sa Geneva ang magpatawag sa mas dakong panagtigum mahitungod sa maong butang sa mga taho sa mga tawhanong katungod nga ipasa sa nagkalain-laing special rapporteurs," matud pa ni Ermita.

Si Ermita nagkanayon sa iyang taho ngadto sa UN "tingali moabot nga kini kahatagan ug maayong pagtan-aw human unya sa taho ni Alston." Siya nagkanayon nga si Alston tingali mohimo pa ug ikaduhang pagbisita human makonsiderar ang Pilipinas isip "maayo nga molupyo."

"Ako nakaseguro nga tungod ani nga mga dokumento nga atong gihatag sa iya didto kini mauy usa ka maayong rason alang sa iyang pagbalik. Ilabi na tungod kay siya mitataw pagsulti nga iyang gikonsiderar ang Pilipinas isip maayong molupyo kung ang mga tawhanong katungod ang pagahisgutan," matud pa ni Ermita.

Si Ermita nagkanayon nga bisan si Alston nagtaho nga ang Pilipinas bukas sa ilang imbestigasyon ug mao lang ang nasud nga nag-imbetar sa UN special rapporteur.

Diha sa usa ka kamanduan ni Presidente Gloria Macapagal Arroyo, si Ermita mibiya ngadto sa US ug nakigkita kang Alston ug Louise Arbour, chairman sa UN High Commissioner's Office on Human Rights sa milabay nga Oktubre 24.

Si Ermita mihatag ug mga kalambuan ngadto sa ilang duha ilabi na ngadto kang Alston nga mihimo ug taho sa mga kalapasan sa mga tawhanong katungod ngadto sa UN sa milabay nga Biyernes sa napulo ka mga nasud nga iyang gibisita.

Si Ermita nagkanayon nga si Alston mihingalan sa Pilipinas nga mao ang pinaka-una nga nasud nga iyang gibisita tungod kay ang gobyerno sa Pilipinas mipaabot sa iyang imbetasyon samtang ang ubang mga nasud wala. Matud pa ni Ermita nga si Alston miila sa iyang presensya diha sa UN "diin kini nagpakita sa interes sa atong Presidente alang sa atong pagpanginano sa mga tawhanong katungod."

Sa ilang panagtigum, si Ermita nagkanayon nga si Alston nagpakita ug interes sa mga kalambuan nga gibuhat sa gobyerno sa Pilipinas aron sa pagpadali sa solusyon ngadto sa mga kaso sa politikanhong pagpamatay.

Matud pa ni Ermita nga iyang gipahibalo si Alston ug ang UN nga ang Presidente nagpagawas ug ubay-ubay nga mga direktiba human sa mga nahiunang taho sa Melo Commission aron sa pagpalig-on sa Witness Protection Program, pag-umol ug mga espesyal nga korte nga may dugang mga prosekyutor, pagpadali sa mga pagtaral ug pagpalig-on sa kooperasyon tale sa mga ahensya sa gobyerno, sa mga ug prosekusyon aron pagsulbad sa mga kaso sa extrajudicial nga pagpamatay.

Matud pa usab ni Ermita nga siya mitaho sa pagpagawas sa SC sa Writ of Amparo isip resulta sa panagtigum nga gipahigayon sa Korte Suprema bahin sa Mga Tawhanong Katungod, lakip na ang pagkatudlo sa Presidente niadtong Agosto ni Defense Secretary Gilbert Teodoro ug Philippine National Police chief Director General Avelino Razon niadtong Oktubre 1. Si Ermita usab mipahibalo kang Alston nga sa 77 ka mga kaso nga karon ubos sa pangandam nga imbestigasyon alang sa pagpasaka ug mga kaso sa korte ug kamanduan ngadto sa DOJ sa pagtapos sa mga kaso sakob sa 60 ka adlaw ug lugway nga dili molapas ug 30 ka adlaw.

"Ako nagsulti sa ila nga ang Presidente mipagawas sa iyang gibati diha sa panagtigum sa LEDAC sa milabay nga Agosto mahitungod sa panginahanglan sa usa ka espesyal nga balaudnon alang sa mas bug-at nga mga penalidad alang sa mibuhat ug mga politikanhong pagpatay ug mas bug-at pa nga mga penalidad alang ngadto sa mga salawayon nga mga kasundaluhan. Kini kauban lamang sa mga butang sa may 28 ka mga espesyal nga balaudnon diin kini gipangayo sa LEDAC (Legislative-Executive Development Advisory Council) sa milabay nga Agosto," matud pa ni Ermita.

"Sa gikataho nga 77 ka mga kaso, ilang gipakita ang partikular nga interes sa mga kaso nga naglakip sa mga ginsakupan sa militar o myembro sa kapulisan. Ako nagtaho nga aduna nay unom nga nakonbekto ug usa niini ang usa ka opisyal ug duha nga mga sakop ug uban pa nga mga sibilyan. Kini mao ang klase sa pagsubaybay nga gi-ingon ni Alston," matud pa ni Ermita.

Si Ermita nagkanayon nga nalipay kaayo si Alston nga kahatagan ug oportunidad sa pakigkita ngadto sa tanan lakip na ang Presidente kung siya mobisita na sa Pilipinas. (PIA-Biliran) [top]

|«  prev  next  »|
DAILY NEWS LIST:
»Provinces in Mindanao given priority for agri-business, DA says
»Feature: Davao region uses the most contraceptives; ARMM the fewest
»Madrasah policy managers off for study tour
»Kapalong observes Nacoco Week
»"Bilis Release" program highlights nat'l correctional consciousness week in Region 8
»Region 8 body cites Calbayog City, Cabugcayan town best LGUs in MDG localization
»Protesting Sumilao farmers reach Tacloban
»Military service awaits patriotic applicants
»DepEd 8 chief joins Madrasah study tour to Malaysia, Singapore and Australia
»DA lines up more reg'l barangay food terminals to expand poor's access to cheaper goods
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines