Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 29 January 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << January 2022 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/11/05

Ilocano News: Natibker ti partido Lakas, kuna ni PGMA

Manila (5 November) -- Inpanamnama ni Presidente Macapagal-Arroyo a natibker ti partido Lakas ken ti gobyerno laksid kadagiti spekulasyon a nasina-sinan daytoy.

Inadauluan ti Presidente ti caucus idiay Malacanang idi Sabado tapno mapagsasaritaan da ti direksyon ti partido iti 2010.

Timmabuno dagiti lideres ti administration coalition a da former President Fidel V. Ramos, Lakas Party chairman emeritus; House Speaker Jose de Venecia Jr. ken Executive Secretary Eduardo Ermita.

Timmabuno pay da Sen. Juan Miguel Zubiri, Reps. Raul del Mar, (1st dist., Cebu); Prospero Nograles, (1st dist., Davao City); Eric Singson, (2nd dist., Ilocos Sur); Arthur Defensor, (3rd dist., Iloilo); Matias Defensor, (3rd dist., Quezon City); Edcel Lagman, (1st dist., Albay), League of Municipalities and ULAP head Ramon Guico, League of Cities president Jerry Trenas, League of Provinces president Loreto Ocampos, ken Mandaluyong City Mayor Neptali Gonzales II.


Olympian boxer Harry Taņamor, kinablaawan ti Malacaņang

Nabara ti kablaaw ti Malacanang ti panangabak ni Olympian boxer Harry Taņamor iti World Amateur Boxing championships.

Nangabak ni Taņamor ti silver medal iti 48 kilogram division iti WABC.

Madaman ti preparasyon ni Taņamor iti 2008 Beijing Olympics tapno magun-od na ti balitok para kadagiti Filipino.


Naiget ti kampanya ti PNP kontra kadagiti pulis nga aglabsing

Itultuloy ti Philippine National Police ti kampanya a panangdusa kadagiti miyembro ti police force a mairaman iti kriminalidad.

Kinuna ni Director General Avelino Razon Jr., PNP chief, alisto nga kitaen da dagiti miyembro nga aglabsing ti police discipline ken mairaman ti aniaman a di maikanatad.

Innayon na, dagiti aglabsing ket saan lang a maikkat ti serbisyo, ngem madusa da pay iti aramid da kas kadagiti ordinaryo a criminal.

Napaiget ti kampanya kontra kadagiti adda ti police service gapu ti panakairaman dagiti pulis iti maipagarup nga robbery-extortion idiay Sampaloc, Manila.


2 a syudad ken 2 nga ili ti Central Visayas ti regional finalist iti child-friendly search

Ti Cebu ken Dumaguete city ken dagiti ili ti Pilar ken Dalaguete iti Cebu ti regional finalists para ti Presidential Search for the Most Child-friendly municipalities ken cities.

Dagiti dadduma pay a finalists para ti 2007 regional child-friendly search ket dagiti ili ti Inabanga, Loon, Tubigon in Bohol ken Sibulan idiay Negros Oriental para iti 1st and 3rd class municipality category.

Para ti 4th class municipality category, dagiti ili ti Catigbian, Batuan ken Calape Bohol ti adda ti listaan. Ti met ili ti Dauin idiay Negros Oriental ti finalist ti 6th class municipality category.

Dagiti mangabak ti regional level ket maikkan ti cash prize a P50,000, child-friendly seal, trophy ken plaque of recognition. (PIA Ilocos Norte) [top]

|«  prev  next  »|
DAILY NEWS LIST:
»10% of barangay IRA is for SK, reminds DILG
»Southern Leyte, GTZ ink MOA for CFRM
»2 lawyers drown in Pagudpud beach
»Food technologists' seminar tackles water safety
»South Leyte youth group wins national award
»RP jatropha biodiesel passes EU, USA standards
»NFA Leyte calls for bids on damaged rice stocks
»Local peace and security assemblies tackle approaches to issues, concerns
»Calinog town leads 2007 nutrition awardees
»NPA kills CAFGU member in Abra
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines