By Rodrigo S. Victoria

Naval, Biliran (9 November) -- Base sa Consolidated Voters Turn Out nga gikan sa Comelec-Biliran sa nakalabay nga Oktubre 29, 2007 nga barangay elections, kini nagpakita nga ang munisipyo sa Kawayan ang merihistro sa pinakamubo nga voters turn out sa walo ka mga munisipyo sa probinsya sa Biliran.

Ang lungsod sa Kawayan merihistro lamang ug 73.89% diin sa 12, 345 ka mga rehistrado nga mga botante, aduna lama'y 9, 122 ka mga botante ang mibotar sa ninglabay nga barangay elections.

Sa laing bahin, ang munisipyo sa Caibiran gihapon sa probinsya sa Biliran ang merihistro sa pinakataas nga voters turn out sa tibuok probinsya sa nakalabay nga Oktubre 29, 2007 nga barangay elections diin kini mitalaan ug 79.21%.

Base sa maong Consolidated Voters Turn Out gikan sa Comelec-Biliran ang mga mosunod mao ang voters turn out sa mga munisipyo nga wala pa mahilakbiti: Almeria-75.50%; Biliran- 77.495; Cabucgayan-76%, Culaba- 74%; Maripipi-74.04% ug Naval 78% tanan dinhi sa Biliran province.

Ang kinatibuk-ang voters turn out sa barangay elections sa walo ka mga lungsod sa probinsya sa Biliran merihistro lamang ug 76.42%.

Sa laing bahin, sa SK elections ang munisipyo sa Kawayan ang may pinakamataas nga voters turn out diin kini merihistro ug 96.69%.

Ang munisipyo sa Biliran mao usab ang nakakuha sa pinakamubo nga voters turn out sa SK elections diin inimrerihistro lamang ug 76.75%.

Ang voters turn out sa SK elections sa mga munisipyo nga wala mahilakbiti mao ang mosunod: Almeria-93.17%; Cabucgayan-95%; Caibiran-91.72%; Culaba-95%; Maripipi- 92.14% ug Naval-91%.