Cebuano News: Duha ka LET exams giplantsa na sa PRC sunod tuig
by Roberto M. Cabardo
Cebu City (November 12) -- Dili na dugay nga mag-paabot ang mga gradwado sa kursong education sa Central Visayas sa pagkuha og licensure examination for teachers kon LET sa pagkakaron.
Kini human gipahibalo sa Professional Regulations Commission nga duha na ka LET Examinations ang pagahimoon sa ilang buhatan sunod tuig.
Matud sa Regional Director sa PRC Central Visayas, Atty. Dan Malayang, ang unang pasulit mahitabo sa Abril saez samtang ang ikaduhang pasulit mahitabo usab sa bulan sa Septembre sa sunod tuig gihapon.
Gawas sa Manila og Sugbo, laing siyam ka mga testing centers lakip na sa Hongkong ang mga lugar diin ipahigayon ang examinasyon.
Kadtong gustong mokuha sa licensure exam sunod tuig, pwede na mohatag sugod karong bulana sa ilang aplikasyon og uban pang mga dokumento alang sa ilang pagkuha sa pasulit. (PIA Cebu) [top]
