Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 29 September 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << September 2022 >> 
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/11/13

Waray-Waray News: Dugang P100-M agud masiguro mayda bastante nga suplay hin bugas durante han kapaskuhan

Manila (13 November) -- Ha pagtuman han iya patapod nga adton mga kablas nga mga Pilipino in magkamay-ada na higayon nga makapahimulos hin barato nga bugas durante han kapaskuhan, iginmando ni Pangulo Gloria Macapagal-Arroyo yana nga adlaw an pagbukalas hin P100 milyon agud mapabaskog an kaban han gobyerno para han panmalit hin bugas.

Iginpahayag han Pangulo an kadugangan nga pondo dida han iya pamulong atubangan han 13th Convention han Philippine Association of Medical Specialists(PAMS) yana nga aga didto han Isla Ballroom han Shangri-La Hotel ha Mandaluyong City. "Akon ginmamandu-an an Pagcor (Philippine Amusement and Gaming Corporation) nga umamot hin P100 milyon agud makabulig ha pagsiguro nga adton mga kablas palibot han nasud in magkamay-ada higayon nga makapahimulos hin barato nga bugas durante han kapaskuhan," siring han Pangulo.

Usa nga gintatag-iya han gobyerno ngan kontrolado nga korporasyon, ginmamandu-an an PAGCOR nga maghikay hin pondo para han kanan gobyerno mga serbisyo ha komunidad ngan mga panlimbasog pagpadukwag han nasud pinaagi hin operasyon hin mga casino. Han naglabay nga Sabado, ginpahayag niya ha Philippine-Chinese Chamber of Commerce & Industry (PCCCI) nga an bugas "diri la usa nga panguna nga pagkaon para han aton mga katawhan, simboliko ini han aton abilidad pagtuman han aton saad paghatag hin pagkaon ngadto han mga kablas." Ginpatin-aw niya nga "komitido an iya administrasyon nga mapiho nga magkamay-ada higayon nga makapahimulos hin barato nga bugas adton mga kablas palibot han nasud durante hini nga importante nga panahon hin kapyistahan. Ginhahangyo ko nga buligan ako niyo hini nga proyekto."

Han naglabay nga simana, iginmando han Pangulo an pagbukalas hin P1 bilyon para mapakusgan an kanan gobyerno programa ha pagproduser ngan distribusyon hin pagkaon agud naman maiban-ibanan an kakulang hin pagkaon para han nahibibilin pa nga hugna han tuig 2007.

Ilarum han direktiba han Pangulo, ig-oorganisar in grupo hin mga non-government organization (NGO) para ayudahan an feeding programs han Department of Social Welfare and Development (DSWD). Durante han kapaskuhan ngan hiton masunod pa nga mga panahon, "bubuhaton naton an ngatanan ha aton poder nga magin abelable an bugas ngadto hadton labaw gud nga nanginginahanglan hini, ngan manlilimbasog nga mapanalipdan an mga kablas kuntra hin mahal nga mga presyo," pahayag niya ha mga grupo hin mga negosyante.

Dida han iya mahinungdanon nga pamulong durante han katitirok han PAMS, gintagan duon han Pangulo nga an pagpuypoy han "kapobrihan amo an panguna nga misyon hini nga gobyerno dinhi han aton sosiedad. Samtang tidaraon an kapaskuhan, mahinungdanon nga an kada tawo nga mayda katigayunan bumulig hadton mga nanginginahanglan. Ginbubuhat an ngatanan han gobyerno nga magin paaragi-anan para hini nga proseso." (PIA-Eastern Samar) [top]

|«  prev  next  »|
DAILY NEWS LIST:
»BIR Nat'l Tax Amnesty Roadshow deemed a big success in Davao
»NSO discusses unmet need for family planning
»Flight 182 victims to get indemnification pay
»Piņol explains recent golf scuffle
»New Corella launches Project BEBOT
»Kapalong PNP assures town safety
»PYGMY forest is Davao Oriental's Brand Mark
»Commentary: Cooperatives can help save the environment
»Mining project extends pre-feasibility study in Tampakan site
»Contaminated water source blamed for Gamay diarrhea outbreak
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines