Cebuano News: Dureza masaligon sa padayon nga paghisgot sa kalinaw kauban sa MILF
By Erna Sy Gorne
Manila (14 November) -- Si Presidential Adviser kalabot sa Peace Process nga si Jesus Dureza mipadayag og pasalig kagahapon nga ang paghisgot sa kalinaw tali sa gobierno og sa Moro Islamic Liberation Front (MILF) diin kini ipadayon karong adlawa (Nov. 14) sa Kuala Lumpur mopadayon sa higayon nga ang isyu sa ancestral domain magkasinabot na.
Atol sa usa ka interview human sa National Security Council (NSC)-Cabinet Group nga tigum didto sa Malacaņang kagahapon, si Dureza miingon nga kon ang kasabotan kalabot sa terotoryo mahimong kompleto sa Kuala Lumpur, ang duha ka panid naglantaw sa sayong mga bulan sa 2008 aron sa paghimo sa posibilidad nga pagpirma kalabot sa ancestral domain nga kasabotan.
"Ang tanan, hinoon, magdepende sa resulta unya sa Nov. 14 nga tigum. Ako masaligon nga mahimo natong ipadayon ang kasabotan human sa isyu sa ancestral domain", matud pa niya.
Matud ni Dureza nga iya nang napasabot si Presidente Gloria Macapagal-Arroyo kalabot sa padayon nga insiyatibo sa gobierno diha sa mga local nga mga asembliya sa kalinaw og sa umaabot nga padayon nga mga paghisgot.
Ang Presidente sa sayo pa lang nagmando sa panid sa gobierno sa paghimo og dugang pagtuon og mga pagkonsulta kalabot sa bag-o nga gipangayo sa MILF nga naglakip sa tibook Sultan Kudarat nga probinsiya ingon nga kabahin sa bag-o nga Autonomous Region sa Muslim Mindanao (ARMM).
Si Kalihim Rodolfo Garcia maoy manguna sa panid sa gobierno diha sa maong negosasyon. Ang pakigpulong sa kalinaw gipaluyohan sa gobierno sa Malaysia sa temporaryo gipadaplin kaniadtong Septyembre sa miaging tuig human ang duha ka mga panid napakyas sa pagkahiusa kalabot sa ancestral domain nga mga isyu. [top]
