Cebuano News: PGMA nagdayeg sa mga gagmay nga mga negosyante
By Erna S. Gorne
Manila (15 November) -- Si Presidente Gloria Macapagal-Arroyo midayeg kagahapon sa mga Micro-Entreprenuer of the Year (MOTY) nga mga awardees, sa pag-ingon nga ang ilang kalampusan nagsilbe nga inspirasyon sa dili mayhap nga mga Pilipinhon kinsa gusto nga mahimong mga negosyante og pag-uswag sa ilang mga kinabuhi.
"Kamo ang inspirasyon sa daghang mga Pilipinong gusto mahimong nga negosyante." matud pa sa Presidente sa iyang pamulong atol sa gihimong nga kalihokan didto sa Heroes Hall sa Malacaņang kagahapon sa buntag.
Gipahigayon pinaagi sa Philippine Center for Entreprenuership (PCE) sa pakigtambayayong kauban sa Citi Group, ang MOTY search nagtumong sa pagpangita og mga Pilipino nga mga negosyante kansang negosyo, kahibalo og paglahutay nagtugot kanila sa pag-saka ibabaw sa ilang kasamtangan nga kahimtang sa kinabuhi og nag-alagad ingon nga inspirasyon alang sa uban.
Karong tuiga, siyam ka mga awardess gikan sa Luzon, Visayas og Mindanao, ang napili-an tungod sa ilang makadasig nga kalampusan sa negosyo. Ang mga awardees mao ang mosunod: Ubos sa Maunlad nga kategoriya sila si Henry Bayaua (production of agricultural equipment)-National winner; Allan Geron (bakery og mini-grocery)- Luzon og Ruel Limpin (junkshop og waste recycling)-Visayas.
Ang Masikap nga kategoriya: Milagros Dorado (duck raising og duck egg production, copra processing og paghimo og uling)-National Winner, Viriginia Dimayuga (Banana Chips og coated peanuts manufacturing)-Luzon; Saturnina Diez (vegetable farming)-Visayas og Rosa Mayordomo (dried fish industry)- Mindanao. Ang duha ka espesyal nga awards gihatag ngadto kang Mac. Cecilia Salarda og Maricel Quiap alang sa food manufacturing og furniture making, sa sunod-sunod.
Gawas sa pagpasidunggog sa mga MOTY nga mga awardees, ang Presidente usab nag-apod-apod sa mg cheke ngadto sa 11 ka mga small and medium enterprise nga mga negosyante nagsimbolo sa padayon nga suporta sa gobierno ngadto sa microfinance.
Dugang pasabot sa Presidente nga ang pagsulbong sa samang mga negosyo maghimo sa lig-on nga middle class, usa ka yawe alang sa iyang paglantaw sa first world nga Pilipinas sulod sa 20 ka tuig. (PIA-Southern Leyte) [top]
