by Roberto M. Cabardo

Manila (November 16) -- Bag-o na karon og papal nuncio ang Pilipinas. Ang bag-ong papal nuncio giila nga si Edward Joseph Adams.

Si Adams maoy opisyal nga representante sa Santo Papa dinhi sa nasod. Si Adams nga naordinahang pari sa tuig 1970, gradwado sa Doctor in Canon Law og nisugod pagserbisyo sa Diplomatic Corps sa simbahang katoliko niadtong 1976. Sa wa pa siya ma-assign dinhi sa nasod, siya nahimo na sab arsobispo sa Scala og ingon man isip papal nuncio sa nasod sa Bangladesh, Rwanda, Kenya, Honduras, Zimbabwe, Ireland, Denmark, og Czech Republic.

Sa iyang homily, si Adams nagpasalamat ni Presidente Gloria Macapagal-Arroyo tungod sa iyang pagtambong sa iyang misa nga gipahigayon sa katedral sa Manila nga gitambungan sab sa mga miyembro sa diplomatic corps, mga opisyal sa simbahang Katoliko nga gipanguluhan ni Cardinal Gaudencio Rosales, pribadong sector, ingon man ni Bise Presidente Noli de Castro.