Cebuano News: PGMA misuse sa nahi-agum sa bagyong Lando sa Mindanao
By Dennis Garay
Dipolog City (23 November) -- Gisusi ni Presidenti Gloria Macapagal-Arroyo kagahapon ang mga dapit nga nahi-agum sa kabangis ni bagyong "Lando" didto sa dakbayan sa Iligan diin nakigtagbo usabi siya sa mga opisyal sa national ug local nga disaster coordinating agencies ug mituki sa himuong halapad nga rescue ug relief program sa naapiktahan nga dapit.
Ang presidenti nga nahidangat niadtong Mierkulis sa gabii gikan sa Singapore kinsa mitambong sa 13th ASEAN leaders summit, gikan sa Ninoy Aquino International Airport mideretso kini sa Phil. Air Force headquarters sa Villamor Air Base aron mosakay'g eroplano padung sa Davao city diin didto siya mipalabay sa kagabhion.
Gikan sa Davao, si Ginang Arroyo miserit padung sa Iligan kagahapon sa buntag aron pag susi sa mga dapit nga nabahaan ug malantaw ang rescue ug relief operations sa mga dapit nga hinaykang na-igo sa kabangis ni "Lando".
Gikan sa Iligan, ang presidenti milahos sa Surigao City ug misusi pod nahi-aguman sa bagyo.
Grabing baha ug landslides nga gidulot sa bagyo nakapatay sa labing minus napulo ka mga tawo sa Visayas ug Mindanao, base sa taho sa National Disaster Coordinating Council (NDCC)
Sa Iligan, 3,500 ka pamilya ang na-apektahan sa disaster ug kasamtangang gipahiluna karon sa pipila ka evacuation centers didto. (PIA-ZN) [top]
