Cebuano News: Magbabalaod moduso'g balaod-non nga magdili pagpaningil ug parking fee sa mga merkado, malls, hotels
By Dennis O. Garay
Dipolog City (23 November) -- Kongresista moduso og mga lakang nga mag dili sa pag paningil og parking fees sa shopping malls, hotels ug ubang commercial establishments
Sa pagduso sa managlahi nga proposals, si Davao City Representative Vincent Garcia ug Catanduanes Rep. Joseph Santiago wa mo-angay sa hinaykan nga pagsingil og bayad sa mo parking sa nahisgutang mga establisamento ug ilang gitunguha nga himuon kining supak sa balaod aron kapanalipdan ang mga consumante.
Ang magbabalaod miingon nga ang ginahimo sa mga commercial establishments nga maningil ug mangolekta'g parking fee gikan sa publiko maoy kanunay'ng gi reklamo sa mga konsumante, kinsa nagtuo nga gihikawan sila sa ilang katungod isip konsumante.
Si Garcia miingon nga ilawom sa "Artikulo 2 sa Akta Republika 7304 nga nailang Consumer Act of the Philippines, kini nagmando sa mga nanag-iyag shopping malls, hotels, merkado ug ubang pang susamang commercial establishments sa pag butang sa tukma nga ka parkingan sa ilang mga kliyenti ug did-an sila pag paningil og bayad.
Si Garcia miduso sa House Bill 2564 nga nagtinguha nga manduan ang mga commercial establishments nga mobutang gayud og mga parking area alang sa mga kliyenti ug ginadili ang pag paningil og bayad.
Dunay gisugyot nga silot nga P50,000 ngadto sa usa ka gatos ka libo ka pesos o pagka bilanggo gikan sa unom ka bulan ngadto sa duha ka tuig sa makalapas niini. (PIA-ZN) [top]
