Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 29 September 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << September 2022 >> 
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/11/24

Waray-Waray News: Gin aghat ni PGMA an public health doctors nga maghatag hin reseta hin generic drugs

Manila (November 24) -- Dara han sobra nga mga reklamo han kamahal han mga bulong kon medesina, gin aghat ni President Gloria Macapagal-Arroyo an mga doctor han public health nga kun mag re reseta, angay unta mga generic drugs ha ira mga pasyente imbes nga an mga branded nga haros dire na aakos an presyo han ordinaryo nga mulopyo.

Iya gihapon ginmanduan an Department of Health (DOH) nga mag andam hin memorandum nga himuon nga mandatory han public health doctors nga magreseta hin generic nga mga medesina.

Iginpahayag ini ni Presidente dida han Pulong ng Bayan kanina han aga ha P. Gomez Elementary School ha Sta. Cruz, Manila kun diin iya gihapon iginpasamwak an iya pag aluntaga hin kadugangan nga P.5 billion seed capital para han mga Botika sa Barangay program.

An Botika sa Barangay in nabaligya hin de kalidad nga medesina ugaring sugad ka epektibo han mga mahal nga bulong.

Segun kan PGMA ha mga riko ug kaya pumalit han mahal nga bulong, maupay gad, ugaring angay daw unta an mga public health doctors in mag reseta nala han generics. Iya ginhingadayan nga unta maghimo an DOH hin memorandum circular ha mga ospital ngan klinika han gobyerno nga genereic name gud an isurat ha reseta.

Gin aghat gihapon ni Presidente an Bureau of Food and Drugs (BFAD) nga aprubaran hini para magamit han publiko an mga medesina nga gintagan hin sertipiko han United States Food and Drugs Administration (USFDA) nga talwas ug salbar.

Kaupod ni PGMA hi Manila Mayor Alfredo Lim, dida han ginbuhat nga Pulong Bayan, nga amo an nag saad nga magkakamay-ada pwesto ha merkado han Central Market ha Sta. Cruz, Manila para han Botika ng Barangay.

Ha parte naman ni Metro Manila Development Authority (MMDA) chairman Bayani Fernando iya ginpatapod an relokasyon hin may 2,000 nga iskwater (informal settlers) nga aada nagbubugi ot ha mga estero han Barangay 314.

Ha nasabi nga higayon, iginpasabot gihapon ni Presidente Arroyo nga hiya in mahatag hin pondo kaparehas han iginhatag ni Manila Congresswoman Zenaida Angping para makumpleto an lima ka andana nga eskoylahan han P. Gomez Elementary School.

Ginpasalamatan gihapon ni PGMA an mga chairmen dara han ira mag upay ngan mahinungdanon nga mga plano. Iya gihapon iginpasabot an tinguha niya nga adto nga katitirok in makapalatay han barato nga medesina han mga kablas nga barangay.

Dida manta ha P. Gomez Elementary School, an Presidente in nan distribwer hin 125 TESDA scholarship certificates para hin unom nga barangay chairmen, sama kanda Thelma Lim han Brgy 310; Armando Bercenio, Brgy 311; Rodrigo Rosales, Brgy 312; Ernesto Sy, Brgy 313; Jhon Guidotong, Brgy 314, ngan Jun Tapang Jr., Brgy 315.

An scholarships in mahatag han tag iya hin katungod nga mahag-id hin pag ihaw (slaughter) hin baboy ngan baka. Balor hin P17,000 an kada scholarship para hin minimum nga 280 oras han pag aram kon paghag-id.

Sugad man an Presidente in nanahatag liwat hin certificates para "Tindahan Natin" kanda Rosalinda Abesa han Brgy 310; Elena Bercenio, Brgy 311; Emelita Gabales, Brgy 312; Elena Wong, Brgy 313, ngan Nieves Barongay, Brgy 314.

An nakakarawat naman han certificate pag tinda ha "Botika ng Barangay" amo hira barangay chairmen Lim, Bercenio, Rosales ngan Guidotong samtang hi Nena Cabrera in kumarawat hin PhilHealth facsimile card. (PIA-Samar) [top]

|«  prev  next  »|
DAILY NEWS LIST:
»Nat'l coalition vs child abuse leads 18th CRC celebration
»Networking, men vital to reproductive health - Popcom
»DA exceeds yellow corn planting target
»Insurance firm launches disaster preparedness campaign
»Feature: Floods, consequence of global warming
»Feature: Busy, happy nights in Panabo City
»PGMA wants enforced evictions in geo-hazard areas
»Commentary: United in bracing against threats of typhoons and calamities
»Cebuano News: Mga damyos sa bagyong Lando sa Normin mikabat sa P107.43 M
»Samar OTOP advocates meet; tresh out issues
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines