Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 29 September 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << September 2022 >> 
S M T W T F S
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/11/27

Waray-Waray News: Kadugangan nga $2-B ipinanmuhan han Hanjin ha Mindanao

Manila (27 November) -- Ikinalipay yana ni Pangulo Gloria Macapagal-Arroyo an pinakabag-o nga ipinanmuhunan han Hanjin Heavy Industries and Construction Corporation nga magtutukod hin makantidad $2 bilyones nga shipyard complex ha Mindanao.

Gintagusya han Pangulo an bag-o nga Korean investment nga ginbabana-bana makakahikay hin maabot 30,000 nga bag-o nga mga panarabahu-an han humapit ha iya komo courtesy call an presidente han Hanjin nga hi Jeong Sup Shim yana nga kulop ha Malacaņang.

Presente gihapon dida han okasyon hira Ninfa Albania, administrador han Phividec Industrial Authority ngan Cerge Remonde, Director General han Presidential Management Staff (PMS).

Ugsa pa man hini, ginbisita han Pangulo an Isla Puting Bato ha Tondo kun diin iginpahayag niya nga makakahikay hin yinukot-yukot nga mga panarabahu-an, ilabi na para han mga welder an mao nga bag-o nga investment han Hanjin.

Nagsiring hi Remonde nga kun igkukunsiderar an panmuhunan, darudako hin duha ka pilo an kanan Hanjin planta ha Mindanao kumparar han shipbuilding complex nga gintutukod ngahaw han mao nga kompaniya ha Subic, Zambales.

Nagsiring hi Albania nga gintutukod an pinakabag-o nga fasilidad han Hanjin dida hin 3,000 ka hektarya nga Phividec Industrial Estate ha mga bungto han Tagoloan ngan Villanueva ha Misamis Oriental.

Nagsiring hi Jeong nga magtitikang hiton sunod nga tuig an pagtukod han general manufacturing plant hini nga manhihimo hin mga barko nga fasilidad.

Ilarum han Phase 2, nagpahayag hi Jeong nga magtitikang panhimo hin mga barko an planta hiton tuig 2010, ngan pag-abot hiton tuig 2012, ginbabana-bana nga magtitikang pag-export an fasilidad hin maabot $1.7 bilyon nga kantidad hin mga ikipahes panhimo hin barko ngan iba pa nga mga sarakyan pandagat.

Nagsiring hi Jeong nga mag-eempleyo hin maabot 30,000 nga mga Pilipino an planta han Hanjin ha Mindanao, partikular na adton mga enhinyero, mga welder, ngan steel fabricators.

Mahihinumduman nga naglunsad an Hanjin han syahan hini nga panmuhunan ha nasud hadton 1973 pinaagi han pagtukod han Iligan-Butuan Road ha Mindanao. (PIA) [top]

|«  prev  next  »|
DAILY NEWS LIST:
»Fortified NFA rice out by next year
»PGMA stays its focus on education - Sec. Lapus
»DA, WB eye better services for Mindanao's poor folk
»Rehab center lauded in ASEAN
»Amendments needed for CARP extension
»Military redoubles security efforts in Basilan
»PGMA's "innovation strategy" fortifies RP's global competitiveness
»6th nat'l confab centers on CESOs, CEOs' nurturing of the environment
»NSO-8 working doubly hard to beat targeted population count release in Feb 2007
»"Filipinnovation" to boost country's global competiveness
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines