Cebuano News: Estados Unidos gibarugan ang suporta sa balaod sa nasud
Ni Jordan Britos
Manila (4 December) -- Subling gibarugan sa Estados Unidos ang ilang suporta sa batakang bala-od ug konstitusyon sa Pilipinas. Kini human nga natigayon ang Stand-Off sa Manila Peninsula Hotel sa Makati City nga gipanguluhan ni Sen. Trillanes kauban ang lain pang myembro sa militar.
Sa gihimong pamahayag sa US Embassy sa Manila, gikabutyag sa maong buhatan nga ang Estados Unidos ug ang Pilipinas dugay na nga "democratic allies", busa padayon nga wala nagkambyo ang ilang baruganan sa hugot nga pagsuporta sa bala-od ug sa panggamhanan sa nasud.
Matud pa usab nga si Ambassador Kristie Kenney nakigsulti na sa mga opisyales sa Malakanyang aron ipadayon lamang ang kompyansa nga ang maong panghitabo malinawong maresolba pinaagi sa tabang sa Philippine National Police ug Armed Forces of the Philippines. (PIA-SarGen) [top]
