By Rodrigo S. Victoria

Naval, Biliran (4 December) -- Ang mga Pilipino mipagawas sa ilang pagkadismaya ug kasuko nga ang usa ka pinili nga opisyal ang migamit ug gawas sa konstitusyon nga pamaagi aron sa pagpahayag sa iyang mga yangungo batok sa gobyerno.

Ang matag kaparutan nga nahimo sa mga rebelde nga kinsa nagpasiugda sa kausaban pinaagi sa gawas sa konstitusyon nga pamaagi ang nakahimo ug kalisod alang sa mga tinuod nga mga bayani sa atong nasud, mga ordinaryo nga mga lalaki ug babaye nga naningkamot aron sa pagpabilin sa nasud paingon ngadto sa dalan sa kalambuan ug sa pagpabalik ug pagsugod ug bag-o.

Adunay mga pamaagi sa konstitusyon ug sa mga estraktura sa balaud alang sa pagpatuman sa kausaban. Ang mga malapason ang dili makahawid sa nasud sa pagkabilanggo gikan sa kagawasan sa silot. Sila pagasilotan sa pinakataas nga kusog sa balaud. Ang hustisya ang ipahamtang. Ang interes sa katawhan ang pagatumanon.

Ang Department of Justice (DOJ) ang mipasaka ug mga kaso sa rebelyon batok kang Sen. Antonio Trillanes IV, Army Brig. Gen. Danilo Lim ug uban pang mga mibatok nga mga opisyal sa militar ug mga tigsuporta nga naglakip kang kanhi Bise-Presidente Teofisto Guingona, Bishop Emeritus Julio Labayen, kanhi Presidente sa University of the Philippines nga si Francisco Nemenzo ug Elizabeth Siguion Reyna.

Ang mga abogado sa kagamhanan ang mihimo ug pormal nga kaso human sa ebalwasyon sa mga ebidensya nga naglakip sa paghupot ug mga armas ug mga plano sa paglunsad ug usa ka pag-alsa gamit ang gahum sa katawhan.