Cebuano News: Pres. Arroyo taliabot sa sayong kaadlawon human sa 9 malampusong-adlaw nga misyon sa 4 ka nasud
By Erna Sy Gorne
Manila (11 December) -- Si Presidente Gloria Macapagal-Arroyo nakatakda nga moabot sa ala una sa kaadlawon sa Martes human sa iyang malampusong siyam-ka adlaw, ngadto sa upat nga nasud nga misyon diin siya makahimo sa iyang pagbalik gikan sa pagpanglakaw aron sa pagpahunong sa silot nga kamatayon alang sa usa ka konbiktibo nga Overseas Filipino Worker (OFW) kinsa nakatakda nga bitayon didto sa Kuwait ning umaabot nga Pebrero sa sunod tuig.
Si Presidente Arroyo - kinsa misugod sa iyang paglakaw didto sa Europa kaniadtong Decembre 2 sa Gingharian sa Espanya, ang labing unang state visit sa usa ka Presidente sa Pilipinas human sa milabay nga 45 anyos gikan sa 1962 nga pagbisita sa iyang mihalin nga amahan, ang kanhi Presidente Disodado Macapagal.
Ang Presidente usab mipadayon didto sa London diin siya nakighinabi sa pribado kauban kang Queen Elizabeth sa iyang pagpasalamat alang sa maayong pagtagad sa United Kingdom ngadto sa mga OFWs, kinsa kasagaran nagtrabaho ingon nga mga caregivers sa England og Ireland.
Sa London, nagkigtagbo usab si Presidente Arroyo sa kanhi Primo Ministro sa England nga si Tony Blair diin siya nagkighisgot ?sa padayon nga paningkamot alang sa kalinaw og pagpasig-uli diha sa Muslim nga mga dapit sa Mindanao diha sa timugang bahin sa Pilipinas.
Sa pagputol sa iyang siyam ka adlaw nga misyon ngadto sa Espanya og England, ang Presidente dayon mipadayon kaniadtong Domingo sa Kuwait diin siya nakigtagbo og 25-ka minutos nga tigum kauban kang Kuwait Emir kinsa misanong sa iyang hangyo sa usa ka royal nga pagpahunong nga silot sa kamatayon alang kang Marilou Ranario, usa ka 34 anyos nga magtutudlo sa elementarya gikan sa Surigao del Norte kinsa nakonbikto sa pagpatay sa iyang agalon nga babaye mga duha ka adlaw nga milabay. (PIA) [top]
